हेबेई प्रान्तको नर्सिङ होममा आगलागी, २० जनाको मृत्यु

एजेन्सी । उत्तर चीनको हेबेई प्रान्तको लोङहुआ काउन्टीस्थित एक नर्सिङ होममा मङ्गलबार राति आगलागी हुँदा २० जनाको मृत्यु भएको छ।

बेइजिङबाट १८० किलोमिटर उत्तरपूर्वमा रहेको नर्सिङ होममा आगलागी मङ्गलबार राति ९ बजे ९१३०० जिएमटी० सुरु भएको थियो। सिन्ह्वा समाचार एजेन्सीका अनुसार बुधबार बिहानसम्म २० जनाको मृत्यु भएको पुष्टि गरिएको छ। नर्सिङ होममा रहेका अन्य वृद्धवृद्धालाई थप उपचारका लागि नजिकैको अस्पतालमा स्थानान्तरण गरिएको छ।

आगलागीको कारणको बारेमा अनुसन्धान भइरहेको र नर्सिङ होमको जिम्मेवार व्यक्तिलाई प्रहरीले नियन्त्रणमा लिएको बताइएको छ। चीनमा शिथिल भवन संहिता र कार्यस्थल सुरक्षामा लापरवाहीका कारण यस प्रकारका घटनाहरू बढि सामान्य भएका छन्।

यसअघि पनि जनवरी महिनामा बेइजिङको झाङजियाकोउ सहरमा आगलागी हुँदा आठ जनाको मृत्यु र १५ जना घाइते भएका थिए।