देशभरको मौसम पूर्वानुमानः पहाडी क्षेत्रमा वर्षा र हिमपातको सम्भावना

काठमाडौं । हाल देशमा पश्चिमी वायु तथा स्थानीय वायुको आंशिक प्रभाव देखिएको छ, जसका कारण विभिन्न स्थानमा मौसम परिवर्तनशील रहने मौसम पूर्वानुमान महाशाखाले जनाएको छ।

आज दिउँसो कोशी, मधेस, बागमती प्रदेशलगायत देशका पहाडी भूभागमा आंशिक बदली रहनेछ भने अन्य स्थानमा मौसम मुख्यतस् सफा रहनेछ। गण्डकी र कर्णाली प्रदेशका पहाडी क्षेत्रमा एक/दुई स्थानमा मेघगर्जनसहित हल्का वर्षा हुन सक्ने सम्भावना छ। साथै, उच्च पहाडी तथा हिमाली भेगका केही स्थानमा हल्का हिमपात हुन सक्ने अनुमान गरिएको छ।

रातिको समयमा कोशी र गण्डकी प्रदेशका पहाडी भूभागमा आंशिक बदली कायम रहनेछ, भने अन्य स्थानमा मौसम प्रायः सफा रहनेछ। महाशाखाले वर्षा र हिमपातको सम्भावनाका कारण दैनिक जनजीवन, कृषि, सडक तथा हवाई यातायातमा असर पर्न सक्ने भएकाले आवश्यक सतर्कता अपनाउन अनुरोध गरेको छ।