तीनकुने घटनाः धवलशमशेर, रवीन्द्र मिश्र र स्वागत नेपाल सहित ६ जना पक्राउ

काठमाडौं । शुक्रबार काठमाडौंको तिनकुने क्षेत्रमा भएको हिंसात्मक आन्दोलनको जिम्मेवार रहेको भन्दै प्रहरीले राष्ट्रिय प्रजातन्त्र पार्टीका उपाध्यक्ष रवीन्द्र मिश्र, महामन्त्री धवलशमशेर राणा, स्वागत नेपाल लगायत ६ जना राप्रपाका नेतालाई प्रहरीले पक्राउ गरेको छ ।

शुक्रबार राति बीएण्डी अस्पतालबाट बिरामी भेटेर फर्किँदै गर्दा उनीहरुलाई पक्राउ गरिएको हो । त्यस्तै अधिवक्ता स्वागत नेपाल, सेफर्ड लिम्बु र सन्तोष तामाङ पनि पक्राउ परेका छन् । शुक्रबार दिउँसो राजावादीको हिंसात्मक प्रदर्शन हुँदा दुई जनाले ज्यान गुमाएका थिए । उक्त प्रदर्शनमा उनीहरूको सक्रिय सहभागिता थियो ।

उक्त घटनाको मुख्य जिम्मेवार ठहर गर्दै गृह प्रशासनले मेडिकल व्यवसायी दुर्गा प्रसाईँलाई समेत पक्राउ गर्न आदेश दिएको छ । यद्यपी यतिबेला दुर्गा प्रसाईँ फरार रहेका छन् ।