राजावादीले आगो लगाएको घरमा जलेर एभिन्युजका पत्रकारको मृत्यु

काठमाडौं । तीनकुनेस्थित एक घरमा राजावादी समर्थकहरूले आगो लगाउँदा एभिन्युज टेलिभिजनका भिडिओ पत्रकार सुरेश रजकको ज्यान गएको छ। घटनामा जलेको अवस्थामा एक शव भेटिएको छ, जसको पहिचान गर्न बाँकी रहेको नेपाल प्रहरीका केन्द्रीय प्रवक्ता डिआइजी दिनेशकुमार आचार्यले जानकारी दिए।

आगजनीपछि, एभिन्युज टेलिभिजनले एक विज्ञप्ति जारी गर्दै लाइभ कभरज गर्दै रहेका पत्रकार सुरेशको मृत्यु भएको पुष्टि गरेको छ। घटनास्थल नजिकैको रोयल बैंक्वेटमा राजावादी समर्थकहरूले तोडफोड गरेपछि आगो लगाएका थिए।

सुरेश रजक एभिन्युजका प्रमुख भिडिओ पत्रकार थिए, जसले घटनास्थलमा प्रहरी र अन्य सुरक्षा निकायसँगको समन्वयमा घटना क्याप्चर गर्दै थिए।