रुपन्देही । अर्घाखाँचीको सुपादेउराली दर्शन गरेर फर्किंदै गरेको बस दुर्घटना परि मृत्यु हुनेको संख्या ४ पुगेको छ ।
मृत्यु हुनेमा तीन जना महिला र एक पुरूष रहेको जिल्लाा प्रहरी कार्यालय रुपन्देहीले जनाएको छ । मृत्यु हुने एकजना पुरुष बस चालक रहेको र अन्यको पहिचान नखुलेको पनि प्रहरीले जनाएको छ । सुपादेउराली दर्शनको लागि नवलपरासीबाट गएको लु २ ख ३०३ नम्बरको बस शितगंगा नगरपालिका २ भुवनपाटास्थित गोरूसिंगे सन्धिखर्क सडकखण्डमा दुर्घटनामा परेको हो।
बुधबार साँझ पौने ६ बजेतिर भएको उक्त दुर्घटनामा करिब २७ जना यात्रु घाइते रहेको समेत प्रहरीले जनाएको छ ।
प्रतिक्रिया