क्यानबेरा। अष्ट्रेलियाको क्यानबेरामा आयोजित ‘नेपाल महोत्सव–२०२५’ सफलतापूर्वक सम्पन्न भएको छ।
नेपाली कला, संस्कृति, पहिरन, खानपान र पर्यटनलाई प्रवर्द्धन गर्ने उद्देश्यले आयोजित महोत्सवले क्यानबेरालाई नेपाली रंगमा रंगिन बनाएको थियो। कमनवेल्थ पार्कमा भएको महोत्सवको आरम्भ सिभिकका गरिमा प्लेसबाट प्रभातफेरी नगर परिक्रमा गरेर कमनवेल्थ पार्कको स्टेज ८८ मा पुगेर सम्पन्न भएको थियो। यस कार्यक्रममा लाखे नाच र कुमारी नाच प्रस्तुत गरिएको थियो।
अष्ट्रेलियाका लागि नेपाली राजदूत चित्रलेखा यादव र अन्य नेपाली सङ्घसंस्थाका प्रतिनिधिहरूसहित अष्ट्रेलियाली सरकारका उच्चपदस्थ अधिकारीहरूको उपस्थितिमा औपचारिक कार्यक्रम सम्पन्न भएको थियो। महोत्सवमा सांस्कृतिक कार्यक्रम, प्रदर्शनी र नेपाली खानाका स्टलहरू राखिएका थिए, जसले नेपाली पहिचानलाई अष्ट्रेलियामा थप उजागर गर्यो।
प्रतिक्रिया