काठमाडौं । लायन्स अन्तर्रास्ट्रिय, डिष्ट्रिक्ट ३२५ के नेपालको तेस्रो राष्ट्रिय महाधिवेशन शनिबार पोखरामा हुने भएको छ ।
यो अधिवेशनले आगामी लायन वर्षको लागि नयाँ नेतृत्व चयन गर्नेछ । चुनाव मार्फत नेतृत्व चयन हुने भएपछि लायन सुधा थापाले पनि सेकेन्ड भिडिजिमा उमेद्वारी दिएकी छन् । लामो समयदेखि समाजसेवा र ब्यबसायमा संलग्न थापाले निर्वाचनले धेरै कुरा प्रष्ट पार्ने बताइन् । लायन वर्ष २०२५–२६ को डिष्ट्रिक्ट गभर्नरका लागि दुर्गाप्रसाद हुमागाईंले पनि उम्मेदवारी दिएका छन् ।
यस्तै, प्रथम भाइस डिस्ट्रिक्ट गभर्नरमा रमेश अधिकारी द्वितीय भाइस डिष्ट्रिक्ट गभर्नरमा विष्णुहरि फुयाँले उम्मेदवारी दिएको बताइएको छ । पोखरा ईभेन्ट सेन्टर बुलौदी पोखरामा हुने तेस्रो महाधिवेशनको सम्पूर्ण तयारी समेत पूरा भइसकेको कन्भेनर कैलाशभक्त पालिखेले जानकारी दिएका छन ।
पोखरामा हुने डिष्ट्रिक्ट ३२५ के नेपालको तेस्रो राष्ट्रिय महाधिवेशनमा डिष्ट्रिक्ट ३२५ के नेपाल अन्तर्गत १००० भन्दा बढी लायन्सको सहभागिता रहने बताइएको छ ।
प्रतिक्रिया