माघ ८ गते मंगलबारको तपाईँको राशिफल कस्तो छ ?

आज मिति २०८१ साल माघ महिनाको ८ गते मंगलबार ।

तदनुसार २०२५ जनवरी २१, नेपाल सम्बत ११४५ । आज सूर्योदय बिहान ०६ः५४ बजे, सूर्यास्त साँझ ०५ः३५ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
कार्यक्षेत्रमा सफलता मिल्नेछ । काममा मात्रै भन्दापनि जीवनसाथी वा परिवारका लागि समय छुट्याउनु आवश्यक देखिन्छ । अहंकार, घमण्ड र जिद्दीपना बढ्ने देखिन्छ । सकभर आफ्नो क्रोधलाई कम गर्ने प्रयास गर्नुहोला । आफ्ना कुरा राख्न खोज्दा विवादमा फस्न सक्ने भएकले आजको दिन सकभर नबोलेको राम्रो होला ।

बृष (इ, उ, ए, ओ, बा, बि, बु, बे, बो) –
थोरै लाभका लागि धेरै मिहेनत गर्नुपर्ने हुनसक्छ । इलेक्ट्रिकल, सञ्चार र धातुका कारोबारीको व्यवसाय उत्तम रहनेछ । अनावश्यक चिन्ता बढ्ने देखिन्छ । नियमित कामधन्दामा पनि खासै जाँगर नलाग्न सक्छ । सिर्जनात्मक क्रियाकलापमा सहभागी हुने योग रहेको छ । साहसी वा पराक्रमी काममा मन जानसक्छ ।

मिथुन (का, कि, कु, घ, ङ, छ, के, को, ह) –
रोकिएका काम बनाउन सकिने तथा नयाँ काम सुरु गर्नका लागि उत्तम समय रहेको छ । उद्यमी र लगनशील व्यक्तिले अझ धेरै फाइदा बटुल्नेछन् । व्यक्तित्व विकासका लागि अवसर प्राप्त हुनसक्छ । कुनै नयाँ कुरा जान्ने वा तालिममा सहभागी हुने अवसर जुर्नसक्छ । जीवनसाथीसँग असन्तुष्टि र निराशाका बारेमा खुलस्त भन्नुहोला । अन्यथा सम्बन्धमा समस्या आउनसक्छ ।

कर्कट (हि, हु, हे, हो, डा, डि, डु, डे, डो) –
मनमा भ्रम र चिन्ता सलबलाउने भएकाले सकेसम्म धैर्य र संयम हुनु राम्रो होला । प्राथमिकताका आधारमा काम गर्न नसक्दा पछि परिनेछ । कुनै महत्वपूर्ण निर्णय लिँदै हुनुहुन्छ भने आफुभन्दा अनुभवि वा जानकार व्यक्तिसँग सल्लाह लिएर मात्रै अघि बढ्नुहोला । साथिभाइसँग जमघटको अवसर मिल्नसक्छ ।

सिंह (मा, मि, मु, मे, मो, टा, टि, टु, टे) –
विद्धान व्यक्तिसँग निकटता बढ्ने देखिन्छ । आफुभन्दा जान्ने बुझ्नेको सहायता लिँदा नजानेर अड्किएको काम बन्नसक्छ । परिश्रम गरेअनुसारको प्रतिफल पनि पाइने छ । आन्तरिक उर्जा र मानसिक क्षमतालाई उपयोग गरि अघि बढ्दा कुनै पनि समस्यालाई सजिलै समाधान गर्न सकिनेछ । सहकर्मीको काममा अलमलिँदा आफ्नो काममा बाधा पुग्नेछ ।

कन्या (टो, प, पि, पु, ष, ण, ठ, पे, पो) –
आम्दानी बढ्नुका साथै फसेको ऋण वा उठ्नुपर्ने रकम हातलागी हुनसक्छ । स्थिर प्रयोजनको धनमा लगानी बढाउने उचित समय छ । बोली र व्यवहारले धेरैलाई आकर्षित गर्न सकिन्छ । कुनै काम दोहोर्याएर गर्नुपरेपनि नतिजा सकारात्मक देखिन्छ । प्रेमिका वा जीवनसाथिको खोजिमा हुनुहुन्छ भने त्यस्तो व्यक्तिसँग चिनजान वा भेटघाट हुनसक्छ ।

तुला (र, रि, रु, रे, रो, ता, ति, तु, ते) –
व्यवस्थापकिय कमी कमजोरी हटाउन प्रयास गर्नुहोला । नयाँ कामको थालनी गर्दै हुनुहुन्छ भने कर्मचारी वा सहयोगीको सुझाव लिनु उचित होला । मनमस्तिष्क हलुका र उत्साहीत बन्नेछ । कामको चापबाट केही फुर्सद मिल्नुका साथै जीवनसाथिसँग कुनै सानोतिनो यात्रामा निस्कने योग रहेको छ । आफ्नो कमिकमजोरी पत्ता लगाएर अघि बढ्नु उपयुक्त होला ।

बृश्चिक (तो, ना, नि, नु, ने, नो, या, यि, यु) –
पुराना समस्या सुल्झाउने क्रममा दिन बित्नसक्छ । आफ्नो कर्तव्य र जिम्मेवारी प्रति सचेत हुनुपर्ने देखिन्छ । कार्यक्षेत्रमा व्यस्त रहनाले आपसी समन्वय र भेटघाटमा असहजता हुने तथा मन पिरोलिने हुनसक्छ । बढुवा हुने वा कुनै पुरस्कार पाउने योग रहेको छ ।

धनु (ये, यो, भ, भि, भु, ध, फा, ढ, भे) –
भावना साटासाट गर्न पाइने तथा एकान्तमा रमाउन पाउँदा प्रेमसम्बन्ध अझ प्रगाढ बन्दै जाने देखिन्छ । प्रेमि वा जीवनसाथिबाट कुनै उपहार प्राप्त हुनेछ । परिश्रम र प्रयास गर्ने हौसला जाग्नेछ । नयाँ जिम्मेवारी वा दायित्व बहन गर्न पाइने छ । आम्दानीको स्रोतमा बढोत्तरी हुनुका साथै कुने नयाँ कारोबारप्रति आकर्षण हुने देखिन्छ ।

मकर (भो, ज, जि, खि, खु, खे, खो, गा, गि) –
प्रेम सम्बन्ध र पारिवारिक जीवन सुखमय रहनेछ । कामकाजी महिलाले आफ्नो कार्यक्षेत्रमा समेत राम्रो प्रगति गर्नसक्ने समय रहेको छ । परिक्षाको तयारी गर्दै हुनुहुन्छ भने उत्तम परिणाम प्राप्त हुनेछ । प्रयास गर्दा सामाजिक क्षेत्र र नोकरीबाट मानसम्मान मिल्नेछ ।

कुम्भ (गु, गे, गो, सा, सि, सु, से, सो, द) –
कुनै पारम्पारिक वा सामाजिक क्रियाकलापमा संलग्नता जनाउन सकिनेछ । योजना अनुरुपको आफ्नो नियमित कामधन्दामा केही बाधा उत्पन्न हुनसक्छ । परिश्रम र मिहेनत गरेअनुसार सफलता मिल्नेछ । धार्मिक वा आध्यात्मिक बिषयको जानकारी हासिल गर्ने उत्सुकता बढ्नेछ । थोरै प्रयास गर्दा नचिताएको सफलता हात पर्नसक्छ ।

मीन (दि, दु, थ, झ, ञ, दे, दो, च, चि) –
जीवनसाथिसँग कुनै नौलो र रमणीय ठाउँको यात्रा गर्ने तिर्सना जाग्नसक्छ । परिबन्दमा खुम्चनु पर्दा मन निराश बन्ने देखिन्छ । मनमा वैराग्य जाग्ने र एकोहोरोपना बढ्नसक्छ । सरल व्यवहार र सादा जीवनशैलीलाई अनुसरण गर्नु उचित होला । सहयोगीको अनुपस्थितिले दैनिक कारोबारमा मन्दी छाउने देखिन्छ । पुरानो बाँकी बक्यौता उठाउने प्रयास गर्दा सफलता मिल्नेछ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५