माघ ४ गते शुक्रबारको तपाईँको राशिफल

काठमाडौं । आज बि.सं. २०८१ साल माघ ४ गते शुक्रबार ।

तदनुसार २०२५ जनवरी १७, नेपाल सम्बत ११४५ । आज सूर्योदय बिहान ६ः५५ बजे हुनेछ भने सूर्यास्त साँझ ५ः३२ बजे हुनेछ । अब सुरु गरौँ ज्योतिष पण्डित हरिप्रसाद भण्डारीले तयार पार्नुभएको आजको राशिफल…

माघ ४ गते शुक्रबारको तपाईँको राशिफल
बौद्धिकतामा निखार आउनुका साथै बिषयवस्तुप्रति गम्भिर बन्ने समय रहेको छ । शिक्षादीक्षाका क्षेत्रमा लागेको व्यक्तिले क्षमता प्रदर्शन गरी स्याबासी पाउन सक्ने दिन रहेको छ । ज्ञानगुन, अध्यात्म र दार्शनिक बिषयमा समेत आकर्षण बढ्ने देखिन्छ । व्यक्तित्व विकास वा थप अध्ययनको अवसर प्राप्त हुनेछ ।

बृष (इ, उ, ए, ओ, बा, बि, बु, बे, बो) –
जीवनसाथि वा घरपरिवारका लागि समय व्यवस्थापन गर्न सके सहज हुनेछ । अपेक्षित माया, विश्वास एवं समझदारी कायम रहनेछ । पदप्रतिष्ठामा अभिबृद्धि हुने तथा आम्दानीको मार्गहरु सहज हुने सुन्दर दिन रहेको छ । घरजग्गा, स्थिर सम्पत्ति र वाहनसुखको व्यवस्थापन गर्ने मनसाय बन्नसक्ने देखिन्छ ।

मिथुन (का, कि, कु, घ, ङ, छ, के, को, ह) –
नयाँ योजना बनाउनका लागि उचित समय रहेको छ । कुनै नयाँ ठाउँमा भ्रमणमा निस्कने योगसमेत रहेको छ । नजानेको वा नसुल्झिएको बिषयवस्तुमा सहपाठीको सहयोग लिनु उचित होला । उत्कृष्ट खाना, रमाइलो पलहरू र इष्टमित्रको साथ नै आजको विशेषता हो भन्दा फरक पर्दैन । व्यक्तित्व विकास र करियर निर्माणको सही समय भएकाले उचित कार्ययोजनाका साथमा अघि बढ्नु जायज हुन्छ ।

कर्कट (हि, हु, हे, हो, डा, डि, डु, डे, डो) –
अतिरिक्त आम्दानीका लागि कुनै व्यवसाय, वा नोकरीका बारेमा आकर्षण छ भने अनुभविको राय लिएर मात्रै अघि बढ्नुहोला । समुचित कार्यका लागि सकेसम्म कम बोलेको ठीक हुन्छ । धनको कारोबार वा किनमेलका क्षेत्रबाट विशेष लाभ हुनेछ । घरबाट कुनै धार्मिक कृत्य वा शुभ कर्म गर्ने सन्देश आउनसक्छ ।

सिंह (मा, मि, मु, मे, मो, टा, टि, टु, टे) –
पारिवारमा सुखसुविधाको जोहो गर्ने समय रहेको छ । फुटकर सामग्रीको विक्रि वितरण वा खाद्ययसामग्रीको कारोबार छ भने अझै राम्रो गर्न सकिने छ । कामको चापबाट केही फुर्सद मिल्नेछ । जीवनसाथिका साथमा कुनै सानोतिनो यात्रामा निस्कने योग रहेको छ । भाग्यको समेत साथ पाउनाले सानो प्रयासमा राम्रो नतिजा निकाल्न सकिनेछ ।

कन्या (टो, प, पि, पु, ष, ण, ठ, पे, पो) –
राखनधरनप्रति सचेत हुनुका साथै तानासाँचो बलियो बनाउनुपर्ने देखिन्छ, अन्यथा धनमाल चोरी हुनसक्ने खतरा देखिन्छ । महत्वहीन र बेकारको काममा समय नबिताउनुहोला । एकाग्रतामा कमी हुने भएकाले कुनै एउटा बिषयमा मात्र ध्यान केन्द्रित गर्न सकिँदैन । भावनात्मक कुराले मनलाई बहकाउन सक्छ सचेत हुनुहोला ।

तुला (र, रि, रु, रे, रो, ता, ति, तु, ते) –
एकअर्काको भावना बुझेर अघि बढ्दा प्रेम सम्बन्धमा नयाँ आयाम थपिनेछ । केही समय घरपरिवार वा आफन्तको लागि पनि छुट्याउनु उचित होला । सरकारी कामका माध्यमबाट धनार्जन गर्न सकिने योग रहेकाले कुनै प्रतिष्ठान वा कार्यालयको बाँकीबब्यौता उठाउनु छ भने प्रयास गर्नुहोला ।

बृश्चिक (तो, ना, नि, नु, ने, नो, या, यि, यु) –
कोसिस गरेमा कला, वाणिज्य, व्यवस्थापन र शिक्षाशास्त्रका उच्च तहका विद्यार्थीले कुनै अवसरसमेत पाउन सक्नेछन् । उत्साहमा बृद्धि हुने समाचार सुन्न पाइने छ । सानो मिहेनतले मानसम्मान बढ्नुका साथै ठूलाबडाको सद्भाव प्राप्त हुनेछ । प्रयास गरेमा आश मारेको काममा पनि सकारात्मक नतिजा हात पर्नसक्छ ।

धनु (ये, यो, भ, भि, भु, ध, फा, ढ, भे) –
नयाँ काममा हात हाल्दै हुनुहुन्छ भने सकारात्मक गति समात्नेछ । सही समय र स्थान छनोट गर्नसके हरेक कदम सफल हुनेछ । कुनै नौलो बिषयको अनुभव प्राप्त हुनेछ जसले गर्दा तपाईँको कार्यशैलीमा सुधार आउने देखिन्छ । वरिष्ठ कर्मचारीको मद्दतले नसुल्झिएको गुत्थी सुल्झाउन सकिने छ । पारिवारिक बाध्यता वा कुनै सामाजिक व्यस्तताका कारण बेफुर्सदिलो भइने समय रहेको छ ।

मकर (भो, ज, जि, खि, खु, खे, खो, गा, गि) –
आफन्त वा साथिभाइमा विरोधाभास र मतभेद बढ्ने समय छ । बल प्रदर्शन गर्ने र तुजुक देखाउने काममा पछि हट्नु उचित होला । चुनौतीका बीचमा सम्भावनाका बाटाहरु समेत फेला पर्नेछन् । ढाडकम्मर, पेट र आँखाका बिरामीहरूले सतर्कता अपनाउने होला । कुनै नयाँ काम गर्दै हुनुहुन्छ भने कानूनी पाटो ख्याल गरी अघि बढ्नुहोला ।

कुम्भ (गु, गे, गो, सा, सि, सु, से, सो, द) –
पारिवारिक जीवन र दाम्पत्य जीवन सुखमय रहनेछ । मिलनसार स्वभावको विकास हुनुका साथै ठूलाबडासँग सम्बन्ध बन्नेछ । तरल पदार्थको कारोबार, पेट्रोल, सुगन्ध र रेडिमेड वस्त्रका व्यवसायीले राम्रो लाभ पाउनेछन् । वैवाहिक सम्बन्धका सुमधुर पलहरूको स्मृतिले भावुक बनाउनसक्ने समय रहेको छ ।

मीन (दि, दु, थ, झ, ञ, दे, दो, च, चि) –
सानातिना विवादको व्यवास्ता गर्दै अघि बढे ताकेको काम सम्पन्न हुनेछ । शत्रु वा प्रतिष्पर्धीसँग सतर्क रहनुहोला । रिस र घमण्ड बढ्नाले पनि अप्ठ्यारोमा पर्न सकिन्छ । सोचबिचार गरेको निर्णय लिँदा सुखद अनुभव प्राप्त गर्न सकिने छ । बेकारका कुराकानी र ख्यालठट्टामा कन्ट्रोल गर्न नसक्दा मानसिक उल्झन बढ्नेदेखिन्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५