काठमाडौं । प्रधानमन्त्री कप महिला क्रिकेटमा कर्णाली प्रदेशलाई पराजित गर्दै एपीएफले पहिलो जित हासिल गरेको छ ।
मंगलबार धनगढीस्थित फाप्ला क्रिकेट मैदानमा मङ्गलबार भएको खेलमा एपीएफले कर्णालीलाई १ सय ११ रनले पराजित गरेको हो । एपीएफले दिएको १ सय ८३ रनको लक्ष्य पछ्याएको कर्णाली पूरै ओभर खेलेर ७ विकेटको क्षतिमा मात्र ७१ रनमा सीमित भयो । कर्णालीका लागि दिक्षा पूरीले १७ रन बनाइन ।
रमा बुढाथोकीले १० रन बनाइन् । अन्य खेलाडीले दोहोरो अङ्कको रन बनाउन सकेनन् । एपीएफका लागि करुणा भण्डारीले ३ विकेट लिइन् । विनु बुढा, रेखा रावल र सुमन विष्टले १–१ विकेट लिइन् ।
यसअघि टस जितेर ब्याटिङ गरेको एपीएफले पूरै २० ओभर खेलेर एक विकेटको क्षतिमा १ सय ८२ रन बनाएको थियो ।
प्रतिक्रिया