माघ १ गते मंगलबारको तपाईँको राशिफल कस्तो छ ?

काठमाडौं । आज बि.सं. २०८१ साल मघ १ गते मंगलबार ।

ई.सं. २०२५ जनवरी १४, नेपाल सम्बत ११४५ । आज नेपालमा सूर्योदय बिहान ६ः५५ बजे हुनेछ भने सूर्यास्त साँझ ५ः३० मा हुनेछ । आज कुनै शुभ कार्यको शुरुवात वा शुभ यात्रामा निस्कँदा शुभ समय १०ः५३ मिनेट देखि १२ः१३ मिनेटसम्म रहेको छ । अब सुरु गरौँ ज्योतिष पण्डित हरिप्रसाद भण्डारीले तयार पार्नुभएको आजको राशिफल ।

मेष (चु, चे, चो, ला, लि, लु, ले, लो, अ) –
कार्यालको काममा खासै परिश्रम गर्नु पर्दैन । घरपरिवारका सदस्य, नातागोता वा आफन्तको भावनालाई समेट्न सकेमा मात्र थप सन्तुष्टि मिल्नेछ । शंकालु बानी र विश्वासको कमीले आपसी समन्वय कमजोर बन्नसक्छ । सकेसम्म एकअर्काप्रति समर्पित हुनु बुद्धिमानी हुनेछ । कुनै झूठो आक्षेप व्यहोर्नुपर्ने वा झैझगडा को सम्भावना रहेकोले सचेत रहनुहोला ।

बृष (इ, उ, ए, ओ, बा, बि, बु, बे, बो) –
कार्ययोजना र व्यवस्थापन पक्षमा समन्वय गरी अघि बढ्दा थप लाभ हुनेछ, अर्काको जिम्मामा काम छाडेर अन्त भुलिने हुँदा नोक्सानी हुनसक्छ । माइतीपक्ष वा दिदीबहिनीका बारेमा कुनै शुभ समाचार प्राप्त हुनेछ । धार्मिक प्रयोजनको काम वा सामाजिक क्रियाकलापमा पनि दौडधूप गर्नुपर्ने दिन हो । मिहिनेतले राम्रो नतिजा प्राप्त हुने देखिन्छ ।

मिथुन (का, कि, कु, घ, ङ, छ, के, को, ह) –
अचानक कुनै मित्रसँग भेटघाट हुनसक्छ । उपहार वा धन प्राप्त हुने योग छ । आफ्नो कामले आफुभन्दा माथिल्लो कर्मचारीलाई खुसी पार्न सकिनेछ । प्रयास गर्दा आँटेको काम सफल हुनेछ । मनले चाहेको व्यक्तिबाट कुनै नौलो कुरा सुन्न पाउँदा मन हर्षित हुनेछ ।

कर्कट (हि, हु, हे, हो, डा, डि, डु, डे, डो) –
काममा बाधा आउने वा ढिलो हुने सम्भावना छ । उधारोमा गएको धन वा ऋणकारोबार मुख्य बिषय बन्नसक्छ । चिकित्सा क्षेत्र, औषधी, काष्ठ, फर्निचर आदिको कारोबार गर्दा प्रशस्त लाभ मिल्नेछ । जीवनसाथी र परिवारका सदस्यहरुको पूर्ण सहयोग रहने दिन छ । हठ र जिद गर्ने बानी छ भने समस्या निम्तिनसक्ने समय हो ।

सिंह (मा, मि, मु, मे, मो, टा, टि, टु, टे) –
मनको हठ र कुुण्ठामा भुलिने समय छ । खर्चको मात्रामा अचानक बृद्धि हुनसक्छ । नजिकको आफन्त वा मनमिल्ने साथीसँगको साझेदारीमा कुनै कारोबार गर्दै हुनुहुन्छ भने सावधानी अपनाउनुहोला । सेवाग्राही र आफुभन्दा माथिल्लो तहको कर्मचारिसँग कुनै पनि बहसमा नअलमलिनु नै उपयुक्त होला । सामान्य मानेको कुराले नै तनाव बढाउने खतरा देखिन्छ ।

कन्या (टो, प, पि, पु, ष, ण, ठ, पे, पो) –
नयाँ योजना कार्यान्वयन गर्नका लागि उपयुक्त समय छ । शुभचिन्तकहरूको साथ जुट्नाले व्यक्तित्व विकास र स्तरबृद्धिको नयाँ अवसर मिल्नसक्छ । आँट र हिम्मतले काम लिन सकेमा लाभ मिल्नेछ । सबै कार्य योजनानुसार सम्पन्न हुँदै जानेछन् । आपसी समन्वय र आन्तरिक सुख बढ्ने समय छ, जीवनसाथिसँग सानोतिनो यात्राको कार्यक्रम बन्नसक्छ ।

तुला (र, रि, रु, रे, रो, ता, ति, तु, ते) –
आर्थिक कारोबार गर्दा राम्रो प्रतिफल प्राप्त हुनेछ । दाम्पत्य जीवन सुखमय नै देखिन्छ । थप जिम्मेवारी र दायित्व बढ्न सक्छ । घरपरिवारभित्रकै वा आफन्तको काममा अलि बढी खट्नुपर्ने दिन हो । कुनै परीक्षा वा प्रतिस्पर्धामा सहभागी जनाउँदा सकारात्मक नतिजा मिल्नेछ ।

बृश्चिक (तो, ना, नि, नु, ने, नो, या, यि, यु) –
अचानक परिस्थिति फेरिएर इच्छाएको जिम्मेबारी प्राप्त हुनेछ । वैकल्पिक आम्दानीका निमित्त कुनै नयाँ कारोबारप्रति आकर्षण देखिँदा लाभ मिल्नसक्छ । शरीर हलुका र मन प्रसन्न रहनेछ । गरेको मिहिनेत र भएका प्रयासको राम्रो परिणाम प्राप्त हुने समय छ । मन अध्यात्म र दार्शनिकतातर्फ मोडिन सक्छ ।

धनु (ये, यो, भ, भि, भु, ध, फा, ढ, भे) –
जीवनसाथिको चासो र चिन्तामा मात्र केन्द्रित हुने समय होइन । आफ्नो खुसी र सुस्वास्थ्यका निम्ति समय छुट्याउनु उपयुक्त होला । कुनै महत्वपूर्ण चिजबिज हराउने वा नाश हुने खतरा छ । सहयोगीको साथ पाइँदैन, एैनमौकामा बन्नै लागेको काम पनि बिग्रनसक्छ । स्वास्थ्य समस्याले समेत सताउने हुँदा सचेत हुनुहोला ।

मकर (भो, ज, जि, खि, खु, खे, खो, गा, गि) –
पतिपत्निका बीचमा समझदारी बढ्नेछ । कला वा अभिनय क्षेत्रको शिक्षार्थी हो भने सोचेको कुरा लिपिबद्ध गर्दा भविष्यमा काम लाग्नेछ । रामरमाइलो र रमझमप्रति मनको आकर्षण रहने सुन्दर दिन छ । मनमा नयाँ उमङ्ग पलाउने छ । विवाहयोग्य उमेर छ र अविवाहित हुनुहुन्छ भने कुनै व्यक्तिप्रति आकर्षणसमेत बढ्न सक्छ ।

कुम्भ (गु, गे, गो, सा, सि, सु, से, सो, द) –
घमण्ड र क्रोधमा बृद्धि हुनसक्छ । आइपरेका चुनौती र परीक्षाहरूमा खरो उत्रेर अघि बढ्ने समय हो । स्वास्थ्यस्थिति एवं आहार÷विहारप्रति पनि ध्यान दिनु ठीक हुन्छ । लोकप्रियता बढ्ने तथा साझेदारी व्यवसायमा लाभ पाउन सकिने छ । अधिकार प्राप्ति वा भविष्यको चिन्ताले सताउन सक्छ ।

मीन (दि, दु, थ, झ, ञ, दे, दो, च, चि) –
आपसी सम्बन्धमा विश्वास र भरोसाको वातावरण बन्नसक्छ । एकान्तमा रमाउँदै भावना आदानप्रदान हुने समय हो । सोच्ने सामथ्र्यमा कमी भएको आभास हुनेछ । एकान्तमा मात्र मन रमाउन खोज्ने भएकाले सामाजिकता र सहकार्यमा ध्यान दिनु ठीक होला । आफुभन्दा तल्लो तहको कर्मचारीको अभावमा कारोबार प्रभावित बन्नसक्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५