पुष २८ गते आइतबार तपाईँको दिन कस्तो छ ?

काठमाडौं । आज बि.सं. २०८१ साल पुष २८ गते आइतबार ।

२०२५ जनवरी १२, नेपाल सम्बत ११४५ । आज नेपालमा सूर्योदय बिहान ६ः५५ बजे हुनेछ भने सूर्यास्त साँझ ५ः२८ मा हुनेछ । आज कुनै महत्वपूर्ण कार्यको सुरुवात वा शुभ यात्रामा निस्कदा शुभ समय बिहान ६ः५५ बजे देखि ८ः१४ सम्म रहेको छ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
पारिवारिक बाध्यतामा खुम्चिनुपर्ने हुनसक्छ । आर्थिक दृष्टिले तपाईँका लागि आजको दिन निकै कमजोर देखिन्छ । कुनै लाभमुलक काम छ भने लापरबाही गर्नु उचित नहोला । सागसब्जी र चिसोजन्य कारोबारबाट राम्रो लाभ लिनसकिने छ । अन्य दिनहरुको भन्दा केही कठोर भएको आभाष हुनेछ । मन फुरुङ्ग र हलुका हुने हुँदा दिन सहजै वित्नेछ ।

बृष (इ, उ, ए, ओ, बा, बि, बु, बे, बो) –
आत्मविश्वास बढ्नुका साथै नयाँ कुरा जान्ने उत्सुकतापनि बढ्नेछ । अल्छिपनाले लक्ष्यमा बाधा पुर्याउन सक्छ । विजय र सफलताले पछ्याउने छ । रिसराग, घमण्ड र अहंकारबाट सकभर टाढा रहनुनै उचित होला । परिस्थिति अनुकुल नभएपनि कामलाई कुशलतापूर्वक झेल्नसक्ने सामथ्र्य विकास गर्न सकिने छ । पेसागत उन्नतिका लागि गरेको प्रयास सार्थक बन्नेछ ।

मिथुन (का, कि, कु, घ, ङ, छ, के, को, ह) –
व्यक्तिगत जीवनमा प्रभाव पार्नसक्ने महत्वपूर्ण र प्रेमिल व्यक्तिसँग भेट हुनसक्छ । सहयोगीहरुसँग केही असमझदारी बढ्ने देखिन्छ । कसैको आश्वासन भन्दापनि आफ्नो मिहेनतमा भर पर्नु राम्रो होला । कामको चाप बढ्नुका साथै दौडधुप बढ्नसक्छ । ढुवानी, यातायात वा मार्केटिङ जस्ता व्यवसायमा राम्रो लाभ पाइने छ ।

कर्कट (हि, हु, हे, हो, डा, डि, डु, डे, डो) –
परदेशमा रहेका आफन्तजन वा विछोडिएका पुराना साथिभाइसँग पुनर्मिलन हुने योग छ । जिम्मेवार र कर्तव्यपालन देखेर सबैले प्रशंसा गर्नेछन् । लक्ष्य प्राप्तिका निम्ति थप परिश्रम आवश्यक छ । विदेश जाने सपना सँगाल्नु भएको छ भने प्रयास गर्दा सफलता मिल्नसक्छ । प्रयास गरेमा अड्किएको वा फसेको धन हात पर्नसक्छ ।

सिंह (मा, मि, मु, मे, मो, टा, टि, टु, टे) –
आलस्यपनले काममा बाधा पुग्नसक्छ । नसोचेको ठाउँबाट पुरस्कार प्राप्त गर्ने योग रहेको छ । व्यक्तिगत कार्यक्षेत्रमा बोझ बढ्नसक्छ । जीवनसाथिको चाहनाअनुसार समय निकाल्न नसक्दा अनावश्यक तनावको सामना गर्नुपर्ने हुनसक्छ । अचानक धनलाभको सम्भावना रहेको छ । कारोबारबाट फाइदा हुने अथवा नोकरीमा प्रशंसा पाउन सकिनेछ ।

कन्या (टो, प, पि, पु, ष, ण, ठ, पे, पो) –
प्रेम सम्बन्ध अझ प्रगाढ हुनेछ । असहाय र दिनदुःखीको सहयोग गर्दा मनमा छुट्टै सन्तुष्टिको आभास हुनेछ । मान्यजनको आर्शिवाद लिएर अघि बढ्नु उचित होला । व्यापार व्यवसाय तथा आर्थिक क्रियाकलापबाट फाइदा हुनेछ । कुनै नयाँ ठाउँमा लगानी गर्ने योजना बनाउनुभएको छ भने अघि बढ्नु उचित हुन्छ ।

तुला (र, रि, रु, रे, रो, ता, ति, तु, ते) –
मनोरञ्जनमा केन्द्रित हुँदा पढाइ र काम बिथोलिन सक्छ । थप परिश्रम र मिहेनतको आवश्यक्ता देखिन्छ । जोखिम र संकटले घेरेको छ, धेरै कमाउने लोभमा भएको पनि गुमाउने परिस्थिति बन्नसक्छ । आफूभन्दा माथिल्लो अहोदाको कर्मचारिबाट असन्तुष्टि पोखिने छ । शरीर अस्वस्थ भएपनि काममा खटिनुपर्ने बाध्यता हुनेछ ।

बृश्चिक (तो, ना, नि, नु, ने, नो, या, यि, यु) –
मित्रता र प्रेमको बन्धन कसिने सम्भाना छ । कुशल नेतृत्व र व्यवस्थापकीय क्षमताको उपयोग हुनेछ । पारिवारिक जीवन सुखमय रहनेछ । आनन्द र मनोरञ्जनात्मक गतिविधिमा सरिक भइने छ । कमकाजी महिलाको व्यक्तिगत समुन्नति र प्रतिष्ठाको योग छ ।

धनु (ये, यो, भ, भि, भु, ध, फा, ढ, भे) –
कुनै आधिकारिक वार्तालाप वा व्यापारिक बैठकका बारेमा उत्सुकता बढ्नेछ । नयाँ करार वा सम्झौताको सम्भावना रहेको छ । पतिपत्नीका बीचमा उचित तालमेल कायम हुनेछ । विवाद,प्रतियोगिता वा प्रतिष्पर्धामा सरिक हुँदा चुनौती बढ्नसक्छ । योजनावद्ध तयारी गर्दा विजयी तपाईँको पोल्टामा पर्नसक्छ ।

मकर (भो, ज, जि, खि, खु, खे, खो, गा, गि) –
प्राविधिक र सीपमूलक क्षेत्रमा आकर्षण बढ्नेछ । कुनै नयाँ कामको थालनी गर्ने सोच्नुभएको छ भने प्रयास गर्नुहोला । तालिम वा ज्ञान बढाउने बिषयमा सरिक हुँदा लाभ मिल्नेछ । आफुभन्दा तल्लो तहको कर्मचारी र सन्तानबाट समेत लाभ हुनेछ । साथिभइ र प्रियजनसँगको सम्बन्ध सुमधुर बन्ने देखिन्छ ।

कुम्भ (गु, गे, गो, सा, सि, सु, से, सो, द) –
शरीर स्वस्थ रहेपनि मनमा चिन्ता बढ्नेछ । आफन्तको व्यवहार देखेर दिक्क लाग्नसक्छ । बाध्यात्मक घरायसी काममा खट्नुपर्ने हुँदा कार्यक्षेत्रमा प्रभाव पर्नसक्छ । परिश्रम गरेबमोजिमको सफलता पनि मिल्नेछ । घरायसी परिबन्दले साथिभाईसँगको भेटघाटको अनुकूलता नमिल्न सक्छ ।

मीन (दि, दु, थ, झ, ञ, दे, दो, च, चि) –
कार्ययोजना र व्यवस्थापन पक्षमा समन्वय गरी अघि बढ्दा थप लाभ मिल्नेछ । अर्काको जिम्मामा काम छाडेर अन्त भुलिने हुँदा नोक्सानी व्यहोर्नुपर्ला । दाम्पत्य जीवनमा नयाँ आयाम थपिनुका साथै पुराना साथिभाइ र सहयोगीहरुसँग अप्रत्यासित भेटघाट हनसक्छ । खेलकुद वा शारीरिक तन्दुरुस्तीसम्बन्धी बिषयमा रुचि बढ्नेछ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५