पुष २२ गते सोमबार तपाईँको भाग्य कस्तो छ ?

काठमाडौं । आज बि.सं. २०८१ साल पुष २२ गते सोमबार । ई.सं. २०२५ जनवरी ६, नेपाल सम्बत ११४५ ।

आज नेपालमा सुर्योदय बिहान ६ः५५ बजे हुनेछ भने सूर्यास्त साँझ ५ः२४ मा हुनेछ । आज कुनै महत्वपूर्ण कार्यका लागि बाहिर निस्कनु पर्दा आफ्नो पुरा शरिर ऐनामा हेरेर जुनसुकै दिशाको यात्रा गरेपनि शुभ फल प्राप्त हुनेछ ।

आज कुनै महत्वपूर्ण कार्यको शुरुवात वा शुभ यात्रामा निस्कदा आजका लागि शुभ समय बिहान ६ बजेर ५५ मिनेट देखि ८ बजेर १४ मिनेट सम्म रहेको छ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
काममा भन्दा पनि कल्पना र भावनामा ध्यान केन्द्रित हुनेछ । घरपरिवार वा छरछिमेकीका सानातिना जिम्मेवारी बोक्नुपर्ने हुनसक्छ । खर्च बढ्ने योग रहेकाले आर्थिक कारोबारमा सतर्कता अपनाउनु उचित होला । कतिपय स्थितिमा थालेको काम पनि बीचमै छाडनुपर्ने हुनसक्छ । कार्यक्षेत्रमा व्यस्त रहनाले भेटघाटको असहजता हुने तथा मन पिरोलिने अवस्था बन्न सक्छ ।

बृष (इ, उ, ए, ओ, बा, बि, बु, बे, बो) –
आकस्मिक रुपमा नचिताएको ठाउँबाट विशेष लाभ पाउन सक्ने योग छ । सरकारी कामका माध्यमबाट धनार्जन गर्न सकिने छ । कुनै प्रतिष्ठान वा कार्यालयको बाँकी बक्यौता उठाउनु छ भने प्रयास गर्दा सफलता मिल्नेछ । ज्ञान र अनुभवको प्रयोग गरी कुनै महत्वपूर्ण बिषयमा लाभ लिन सकिने छ ।

मिथुन (का, कि, कु, घ, ङ, छ, के, को, ह) –
भविष्यको चिन्ताले सचाउन सक्छ । प्रयास गरेमा कला, वाणिज्य, व्यवस्थापन र शिक्षाशास्त्रका विद्यार्थीले राम्रै अवसर प्राप्त गर्ने योग छ । सामाजिक क्षेत्र र नोकरीबाट मानसम्मान मिल्नेछ । हाकिम वा बरिष्ठ कर्मचारिसँग निकटता बढ्नाले बिशेष लाभ लिनसकिने छ ।

कर्कट (हि, हु, हे, हो, डा, डि, डु, डे, डो) –
घरपरिवार वा साथिभाइसँग समय बेतित गर्नु उचित होला । कुनै महत्वपूर्ण काममा कसैको सहयोग गर्नुपर्ने वा परोपकारी काममा लगानी गर्ने परिस्थिति बन्नसक्छ । आफ्नो इज्जत वा प्रतिष्ठालाई दाउमा राखेर कुनै काम नगर्नुहोला । आफ्नो कर्तव्य र स्वास्थ्यका बारेमा पनि ध्यान केन्द्रित गर्नुपर्ने देखिन्छ ।

सिंह (मा, मि, मु, मे, मो, टा, टि, टु, टे) –
कुनै कुराको चिन्ताले मनमा नकारात्मक कुराहरु खेल्नसक्छन् । एकान्तमा बस्नु वा आध्यात्मिक गतिविधिमा सहभागिता जनाउनु उपयुक्त होला । आफुलेको गरेको काममा सफलता मिल्नेछ । अनुशासन र संयमता अपनाउनु उचित होला । ‘मुड स्विङ’ भइरहने हुनाले मन अशान्त बन्नसक्छ । हतारमा लिएको निर्णयले पछुताउने अवस्था बन्नसक्छ ।

कन्या (टो, प, पि, पु, ष, ण, ठ, पे, पो) –
आफ्नो लक्ष्यप्रति सचेत भई कडा मिहेनत गर्नुपर्ने देखिन्छ । तपाईँमाथि गुरुवर्ग वा अभिभावकले निकै भरोसा र विश्वास राखेको देखिन्छ । कुनै नयाँ ठाउँमा घुमघामको मनसाय बन्न सक्छ । कामको चाप बढेपनि मनमा सन्तुष्टिको आभास हुनेछ । गैर नाफामुलक काममा समेत मन आकर्षित हुनसक्ने देखिन्छ । केही समय घरपरिवार र जीवनसाथिका लागि पनि छुट्याउन पाइने छ ।

तुला (र, रि, रु, रे, रो, ता, ति, तु, ते) –
बोल्दा विशेष ध्यान दिनुहोला, बोलिकै कारण बहस र विवादमा फस्न सक्ने योग छ । कानूनी वा लगानी सम्बन्धी जटिलता देखा पर्नसक्छ । काम गर्ने तौरतरिका र व्यवस्थापन पक्षमा पनि सुधार ल्याउनु आवश्यक छ । विचार नमिल्ने मान्छेसँग टाढै रहनुहोला अन्यथा ठुलो कलहको वातावरण बन्न सक्छ ।

बृश्चिक (तो, ना, नि, नु, ने, नो, या, यि, यु) –
रोकिएका काम सम्पन्न गर्ने तथा नयाँ कामको थालनी गर्ने योग छ । उद्यमी र लगनशील व्यक्तिले अझ धेरै सफलता बटुल्न सक्नेछन् । व्यक्तिगत विकास वा थप अध्ययनको अवसर प्राप्त हुनेछ । जीवनसाथिसँग असन्तुष्टि र निराशाका बारेमा बताउनुहोला । असमझदारीले सम्बन्धमा खटपट हुने देखिन्छ । यद्यपी, एकअर्काको मनोभाव बुझि काम गर्नसके सम्बन्धमा दृढता आउनेछ ।

धनु (ये, यो, भ, भि, भु, ध, फा, ढ, भे) –
पुराना वा तामेलिमा परेका काम दोहोर्याएर गर्ने परिस्थिति देखिन्छ । अतिरिक्त आम्दानी सँगै घरायसी सुखसुविधाका वस्तुहरुको किनमेलमा खर्च बढ्ने योग पनि छ । साथिभाई र विश्वासपात्रबाटै तपाईँको हैसियत हेरेर व्यवहार हुनसक्छ । व्यक्तिगत जीवनका बारेमा बढी खुलस्त हुँदा अप्ठ्यारोमा पर्न सकिन्छ । परिवारमा नयाँ सदस्य वा अतिथिको आगमन हुनसक्छ । मनमा छटपटि र कौतुहलता बढ्नेछ ।

मकर (भो, ज, जि, खि, खु, खे, खो, गा, गि) –
घरपरिवारभित्र कसैको पेसागत वा व्यवसायिक उन्नतिको समाचार प्राप्त हुनसक्छ । पारिवारिक जमघट वा भोजभतेरमा सहभागी बन्नुपर्ने हुनसक्छ । सञ्चार क्षेत्र, बित्तीय कारोबार, यातायात, ढुवानी जस्ता व्यवसायबाट विशेष लाभ लिन सकिनेछ । नजानेका वा नसुल्झिएको बिषयमा सहपाठीको सहयोग लिनु उचित होला ।

कुम्भ (गु, गे, गो, सा, सि, सु, से, सो, द) –
थालिका कामबाट फाइदा मिल्नेछ । खर्च व्यवस्थापनका लागि गरिएका प्रयासहरु सफल हुनेछन् । पारिवारिक वा छरछिमेकीका काममा खट्नुपर्ने हुँदा कार्यक्षेत्रमा प्रभाव पर्नसक्छ । सुखसुविधा बृद्धिका लागि विभिन्न सामग्रीको किनमेल गर्ने वा खर्च बढ्ने योग छ । यद्यपी, यसले मानसिकतामा भने कुनै प्रभाव पार्नेछैन् । विभिन्न चुनौतिको सामना गर्नुपर्ने हुनसक्छ तर, सफलता तपाईँकै पक्षमा देखिन्छ ।

मीन (दि, दु, थ, झ, ञ, दे, दो, च, चि) –
विविध कारणले रोकिएका काममा सफलता मिल्नुका साथै नयाँ काममा अग्रसर भइने योग छ । अनुभवको प्रयोग गरेमा ठोस उपलब्धि प्राप्त हुनेछ । आफ्नो इच्छाअनुसार कार्य गर्न पाउँदा मन प्रसन्न रहनेछ । विशिष्ट व्यक्तित्व वा विद्वान् गुरुसित मित्रता र भेटघाट हुने समय हो । घरायसी वा व्यवहारिक काममा खट्नुपर्ने हुनसक्छ, यद्यपी, त्यसले मानसिक रुपमा आफुलाई कमजोर भने बनाउने छैन् ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद