पुष २१ गते आइतबार तपाईँको भाग्य कस्तो छ ?

काठमाडौं । आज बि.सं. २०८१ साल पुष २१ गते आइतबार । ई.सं. २०२५ जनवरी ५, नेपाल सम्बत ११४५ ।

आज नेपालमा सूर्योदय बिहान ६ः५५ मिनेटमा हुनेछ भने सूर्यास्त साँझ ५ः२३ मिनेटमा हुनेछ । आज कुनै महत्वपूर्ण कार्यका लागि बाहिर निस्कनु पर्दा घिउ खाएर जुनसुकै दिशामा यात्रा गरेपनि शुभ फल प्राप्त हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदाँ आजका लागि शुभ समय बिहान ८ बजेर १३ मिनेट देखि ९ बजेर ३२ मिनेट सम्म रहेको छ । यो समय नेपालको राष्ट्रिय समयमा आधारिक छ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
आयआर्जनको मार्गमा स्पष्ट निणर्य गर्नु फलदायी सावित हुनसक्छ । कुनै नयाँ अवसर प्राप्त हुने तथा धन र मान बढ्ने संकेत देखिएको छ । थालेको काम बीचमै अवरुद्ध भएको छ भने फेरी प्रयास गर्दा सफलता मिल्नेछ । चाहेअनुरुपको सबै कामहरु सम्पन्न हुनेछन् । अहङकार र घमण्डलाई भने कन्ट्रोल गर्नु आवश्यक होला ।

बृष (इ, उ, ए, ओ, बा, बि, बु, बे, बो) –
इच्छाशक्ति बढ्नुका साथै लक्ष्य प्राप्त गर्ने साहस जुट्नेछ । प्रविधि र खोजमुलक बिषयका छात्रछात्राले अझ राम्रो गर्नसक्ने सम्भावना छ । प्रतियोगिता र प्रतिस्पर्धामा सफलता मिल्नेछ । कुनै कामलाई टुङ्गोमा पुर्याउन प्रयास गरिनेछ । विवाद र समस्याहरुलाई सकारात्मक ढंगले समाधान गर्न सकिने छ ।

मिथुन (का, कि, कु, घ, ङ, छ, के, को, ह) –
कुनै नयाँ ठाउँको छोटो यात्राले आपसी सम्बन्धमा प्रगाढता छाउनेछ । साझेदारीको व्यापार व्यवसायबाट फाइदा हुने योग छ । धार्मिक र आध्यात्मिक चेतना बढ्नुका साथै धन र मान पनि प्राप्त हुनेछ । नियमकानूनको पालना गर्नु उचित होला अन्यथा अनावश्यक झमेलामा पर्न सक्ने सम्भावना पनि छ ।

कर्कट (हि, हु, हे, हो, डा, डि, डु, डे, डो) –
घरेलु काममा अलमलिँदै दिन बित्नसक्छ । आगो वा हातहतियारको प्रयोगमा निकै सचेतता अपनाउनुहोला । तन्त्रमन्त्र, साधना एवं कुनै रहस्यात्मक बिषयमा रुचि बढ्न सक्नेछ । आज कडा मिहेनत गरी नसुल्झिएको समस्यालाई हल गर्न सकिनेछ । खानपानको ध्यान नदिँदा स्वास्थ्यमा केही समस्या देखिन सक्छ । आफ्नो कुरा छाडी जीवनसाथीको भावना बुझ्ने प्रयास गर्नु उचित होला ।

सिंह (मा, मि, मु, मे, मो, टा, टि, टु, टे) –
चलाखिपूर्ण तरिकाले असहज परिस्थितिलाई समेत सहज बनाउन सकिनेछ । कार्यक्षेत्रबाट फुर्सद निकालेर आनन्द र मस्तीमा भुलिने समय हो । एक्लै समय बिताउन मन लाग्नेछ । मनमा घमण्ड र अहङ्कारले प्रवेश पाउनेछ । आफ्नो कुरा जबरजस्ती थोपर्न खोज्दा प्रेम सम्बन्धमा खटपट हुनसक्छ । संयम भएर अर्काको कुरा सुन्नुनै उचित होला ।

कन्या (टो, प, पि, पु, ष, ण, ठ, पे, पो) –
मन स्थिर नहुँदा दोधारेपन, अलमल र उकुसमुस महसुस हुनसक्छ । जीवनसाथिको क्रियाकलाप वा कुनै कुराप्रति शंका उब्जनाले प्रेम सम्बन्धमा अविश्वास बढ्नसक्छ । आत्मीयजन वा साथिभाइको भूमिका पनि चित्त बुझ्दो नहुन सक्छ । मानसिक तनाव र बोझ बढेको अनुभूति हुनेछ । माटोको सामग्री, औजार, भाँडाकुडा आदिको व्यवसायमा सफलता मिल्नेछ ।

तुला (र, रि, रु, रे, रो, ता, ति, तु, ते) –
प्रयास गरिएको कामले पूर्णता पाउनेछ । नजानेर अड्कििएका बिषयमा आज पुनः प्रयास गर्नु राम्रो होला । आकस्मिक आर्थिक लाभ भएको शुभ समाचार प्राप्त हुनेछ । घरपरिवार र सन्ततिको जिम्मेवारीमा समय बित्नसक्छ । आफैले कुनै प्राविधिक वा सीपमूलक ज्ञान प्राप्त गरेर लाभान्वित बन्ने योग छ । पारिवारिक समस्यामा अल्झिनुपर्ने हुनसक्छ ।

बृश्चिक (तो, ना, नि, नु, ने, नो, या, यि, यु) –
घरपरिवारबाट सुखद समाचार आउनसक्छ । घुमघाममा जाने वा मनोरञ्जनात्मक कार्यमा सरिक हुने अवसर जुर्नसक्छ । घरजग्गा, सेयर कारोबार वा कुनै अचल सम्पत्तिको कारोबारमा लगानी गर्नु फलदायी सावित हुनसक्छ । दाम्पत्य सम्बन्धमा तालमेल नमिल्दा मनमुटाव हुनसक्छ । कुनै गोप्य कुरा सार्वजनिक हुँदा अप्ठ्यारोमा पर्नसक्ने हुँदा सचेत रहनुहोला ।

धनु (ये, यो, भ, भि, भु, ध, फा, ढ, भे) –
कामप्रतिको समर्पण भावका माध्यमबाट ठूलो लाभ मिल्ने समय छ । बोली र व्यवहारका बालमा सेवाग्राहीलाई आकर्षित तुल्याउन सकिने छ । परिवारका सदस्यहरु र आफ्ना साथिभाइसँगको भेटघाटले मन आनन्दीत बनाउने छ । नयाँ कुरा सिक्न पाइने योग छ ।

मकर (भो, ज, जि, खि, खु, खे, खो, गा, गि) –
मानसम्मान, इज्जत र प्रतिष्ठा बढ्ने छ । भौतिक सुख र आनन्दको चिन्ताले सताउन सक्छ । कठोर शब्द र खरो बोलिका कारण सेवाग्राही असन्तुष्ट र रुष्ट हुनसक्ने देखिन्छ । यद्यपी, सहकर्मी र हाकिमको भने साथसहयोग मिल्नेछ । जीवनसाथिको इच्छाअनुसार कतै खानपान वा घुमघाममा जाने मौका मिल्नसक्छ । खर्च बढ्नसक्ने दिन भएकाले कतै निस्किँदा बजेटको व्यवस्था गरेर मात्रै जानुहोला ।

कुम्भ (गु, गे, गो, सा, सि, सु, से, सो, द) –
मिहेनत र लगनशीलताले सफलता दिलाउनेछ । करियरको महत्वकाँक्षी योजनाहरुमा थप जोड दिँदा सकारात्मक नतिजा मिल्नसक्छ । सेवाग्राहीलाई प्रभावित पारेर सम्मान पाउने योग छ । हाकिम वा जानकार व्यक्तिको सहयोग र सहानुभूति प्राप्त हुनेछ । व्यक्तिगत उन्नति र प्रगतिको समाचारले मन प्रसन्न हुनेछ ।

मीन (दि, दु, थ, झ, ञ, दे, दो, च, चि) –
आर्थिक कारोबार गर्दा वा हिसाबकिताब गर्दा सतर्कता अपनाउनुहोला । नयाँ व्यवसायमा लगानी गर्दा सोचेर मात्रै गर्नुहोला । आवश्यक पर्दा ऋण वा सरसापटी लिनुपर्ने बाध्यता देखिन्छ । पठनपाठन खासै रुचि देखिँदैन । मेडिटेसन, योग र ध्यानतर्फ मन जानसक्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद