पुष–२० गते शनिबार तपाईँको भाग्य कस्तो छ ?

काठमाडौं । आज बि.सं. २०८१ साल पुष २० गते शनिबार । ई.सं. २०२५ जनवरी ४, नेपाल सम्बत ११४५ ।

आज नेपालमा सूर्योदय बिहान ६ः५५ बजे हुनेछ भने सूर्यास्त साँझ ५ः२२ बजे हुनेछ । आज कुनैपनि कार्यका लागि बाहिर निस्कनुपर्दा तिल मुखमा राखेर जुनसुखै दिशाको यात्रा गरेपनि शुभ फल प्राप्त हुनेछ । अब सुरु गरौँ आजको राशिफल ।

मेष (चु, चे, चो, ला, लि, लु, ले, लो, अ) –
आफूभन्दा साना भाइबहिनीहरुलाई अर्तिबुद्धि दिन वा संस्कार, संस्कृतिका बारेमा सिकाउन मन लाग्नेछ । नयाँ योजना कार्यान्वयन गर्ने प्रेरणा मिल्नेछ । दिर्घकालिन प्रयोजनको लाभमुलक काम अघि सार्ने सोच्नुभएको छ भने प्रशासनिक तौरतरिका बुझ्नु उचित होला । विगतमा गरिएको मिहेनत र लगनशीलताको पुरस्कार प्राप्त हुने योग छ ।

बृष (इ, उ, ए, ओ, बा, बि, बु, बे, बो) –
व्यक्तिगत काममा व्यस्त रहँदा जिवनसाथिको चाहनाअनुसार समय निकाल्न कठिन होला । अनावश्यक तनाव व्यहोर्नुपर्ने हुनसक्छ । सरकारी कामका माध्येमबाट भने फाइदा मिल्नेछ । अप्ठ्यारो परिस्थितिलाई कुशलतापूर्वक झेल्नाले आत्मविश्वास बढ्नेछ । फलाम, कोइला, पेट्रोलियम पदार्थ जस्ता व्यापार व्यवसायबाट राम्रो प्रतिफल पाइने योग छ ।

मिथुन (का, कि, कु, घ, ङ, छ, के, को, ह) –
सार्वजनिक हित वा परोपकारी काममा खट्नुपर्ने योग छ । भाग्यले बलियो साथ दिनेछ, धार्मिक वा सामाजिक काममा सहभागी हुने मौका मिल्नसक्छ । मानसिक रुपमा सबल र परिपक्व बन्ने समय छ । पठनपाठनका क्रममा सहपाठी र शिक्षकहरुबाट सहयोग जुटाउन सकिने छ ।

कर्कट (हि, हु, हे, हो, डा, डि, डु, डे, डो) –
कामको चाप बढ्नाले असहजता महसुस हुनसक्छ । स्वभावगत कमजोरी वा उदार मनोवृत्तिको प्रयोग गरी अरुले नाजायज फाइदा उठाउन सक्छन् । मनमा कुनै नवीन कार्य गर्ने भावना जागृत हुनेछ । आफ्नो मनको कुरा कसैलाई व्यक्त गर्न नसक्दा मानसिक रुपमा केही असहजता देखापर्न सक्छ । सहकारी कामको माध्येमबाट फाइदा मिल्नेछ ।

सिंह (मा, मि, मु, मे, मो, टा, टि, टु, टे) –
सँधैभन्दा बढी व्यस्त भइनेछ, खटाइअनुसारको प्रतिफल पनि मिल्नेछ । तर, सकारात्मक नतिजा निकाल्न अझ धेरै मेहनत गर्नुपर्ने देखिन्छ । आजको केही समय जीवनसाथी वा छोराछोरीका लागि छुट्याउनु ठीक होला । कामधन्दा र व्यवहारमा सरलताको अनुभूति हुनेछ । खेलवाड र मनोरञ्जनमा अलमलिएर सजितै दिन बित्ने परिस्थिति छ ।

कन्या (टो, प, पि, पु, ष, ण, ठ, पे, पो) –
कटुशब्दको प्रयोग र अर्काको आलोचना गर्ने बानी छ भने मुखमा लगाम लगाउनु राम्रो हुन्छ । अन्यथा कलह र झैझगडामा संलग्न हुनुपर्ने परिस्थिति देखिन्छ । परिश्रम र सन्तुलनमा ध्यान नदिँदा स्वास्थ्यस्थिति बिग्रते डर हुन्छ । लोकप्रियता बढ्ने तथा साझेदारी व्यवसायमा लाभ पाउने योग छ । सहकर्मीहरुनै प्रतिपर्धीको रुपमा देखीन सक्ने सम्भावना छ । भविष्यको चिन्ताले मानसिकतामा नकारात्मक सोच पलाउन सक्ने भएकाले सकभर एक्लै नबस्नु उचित होला ।

तुला (र, रि, रु, रे, रो, ता, ति, तु, ते) –
व्यक्तिगत जिम्मेवारी र हार्दिकताका बीचमा सन्तुलन राख्नु उचित होला । जीवनसाथी वा अन्मीय मित्रको प्रतिकुल स्वास्थ्यका कारण चिन्ता बढ्न सक्छ । समस्या र कठिनाइमा समय यापन गर्नुपर्ने हुनसक्छ । सानो प्रयासले ठुलो सफलता दिन सक्छ । क्षमता र बुद्धिको उपयोग गर्दा कारोबारले गति समात्न थाल्नेछ ।

बृश्चिक (तो, ना, नि, नु, ने, नो, या, यि, यु) –
पारिवारिक तनावका कारण पढाइमा मन नजान सक्छ । पारिवारिक समस्या र व्यवहारिक कामको सन्तुलन राख्नु उचित होला । वैदेशिक प्रयोजनको काममा आजको दिन फलदायी सावित हुनसक्छ । कामको चाप बढ्न सक्छ, यद्यपी आत्मविश्वास बृद्धि हुने भएकाले सरल तरिकाले काम सम्पन्न हुनेछ ।

धनु (ये, यो, भ, भि, भु, ध, फा, ढ, भे) –
सामाजिक क्षेत्रको काम वा सार्वजनिक हितको बिषयमा सक्रिय हुने मानसिकता बन्न सक्छ । करियर परिवर्तन र उच्च शिक्षा प्राथमिकताको बिषय बन्न सक्छ । इष्टमित्र र नातेदारसँग भेटघाट हुने योग छ । कामविशेषले सहकर्मी वा जुनियर कर्मचारिसँग विचार÷विमर्श हुने देखिन्छ । जीवनसाथिको दरिलो साथले नौलो अनुभूति र रोमाञ्चकता थप्नेछ ।

मकर (भो, ज, जि, खि, खु, खे, खो, गा, गि) –
दैनिक र व्यवहारिक खर्च बढ्ने योग छ । कुनै गुप्त कारोबारको क्रममा हानि व्यवहोनुपर्ने हुनसक्छ । अठोट र निर्णयहरुमा सफलता मिल्नेछ । अचानक कुनै नयाँ ठाउँमा यात्रा गर्ने योजना बन्नसक्छ । नयाँ परिकार बनाएर खाने वा खुवाउने बिषयमा मन केन्द्रित हुनसक्छ ।

कुम्भ (गु, गे, गो, सा, सि, सु, से, सो, द) –
आकस्मिक धन लाभको योग छ । गरिएका प्रयासमा सफलता मिल्नसक्छ । शत्रुको सामना गर्नुपर्ने भएकाले सचेन बन्नुहोला । व्यवस्थापकिय जिम्मेवारिका लागि समय छुट्याउनुपर्ने हुन्छ । दैनिक जिवन सहजताका साथ बितेपनि कुनै कारिणवश पतिपत्निमा मनमुटाव हुनसक्छ । नयाँ अनुभवका साथ कसरी अघि बढ्ने भन्ने चिन्तामा केन्द्रित भइनेछ ।

मीन (दि, दु, थ, झ, ञ, दे, दो, च, चि) –
आफन्त वा मनमिल्ने साथिसँगको साझेदारीमा कुनै कारोबार गर्दैहुनुहुन्छ भने सावधानीपूर्वक कदम चाल्नु उपयुक्त होला । आकस्मिक खर्च बृद्धिको योग छ । काममा त्रुटि वा कमजोरिक हुनसक्छ, सचेत रहनुहोला । प्रेम सम्बन्ध सुमधुर बन्नेछ । प्रेमी÷प्रमिकाको खोजिमा हुनुहुन्छ भने त्यस्तो व्यक्तिसँग भेट हुनसक्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद