पुस १८ गते बिहीबारको तपाईंको राशिफल कस्तो छ ?

काठमाडौं । आज बि.सं.२०८१ पुष १८ गते बिहीबार ई.सं.२०२५ जनवरी ०२, नेपाल सम्बत ११४५ ।

आज नेपालमा सूर्योदय बिहान ०६ः५४ बजे, सूर्यास्त साँझ ०५ः२१ बजे हुनेछ । आज जन्म लिने बच्चा मकर राशीको हुनेछ । आज कुनै महत्वपूर्ण कार्यका लागि बाहिर निस्कनु पर्दा दहि खाएर जुनसुकै दिशाको यात्रा गरेपनि शुभ फल प्राप्त हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदा आजका लागि शुभ समय बिहान ०६ बजेर ५४ मिनेट देखि ०८ बजेर १२ मिनेट सम्म छ । यो समय नेपालको राष्ट्रिय समयमा आधारित छ ।

ठाउँ अनुसार समय, तिथि, नक्षत्र, ईत्यादीमा पनि अन्तर हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
घरपरिवारमा विवाद भएपनि आज तपाईँकै रुचिअनुसार व्यवहार हुनेछ । इच्छाशक्ति बढ्नुका साथै लक्ष्य प्राप्त गर्ने साहस जुट्नेछ । प्रविधि र खोजमूलक विषयका छात्रछात्राले अझ राम्रो गर्नसक्ने देखिन्छ । मेष राशि हुनेहरुले आज सरकारी कामका माध्यमबाट लाभ लिन सक्नेछन् भने समाजसेवा वा राजनीतिमा लागेकाहरुले मानसम्मान पाउने योग छ ।

बृष (इ, उ, ए, ओ, बा, बि, बु, बे, बो) –
राम्रो कर्मफल प्राप्त हुनाले मन प्रसन्न रहनेछ । पारिवारिक बाध्यता वा कुनै सामाजिक व्यस्तताका कारण बेफुर्सदिलो भइने समय छ । अचानक निकटतम व्यक्तिसँगको भेटले मन प्रफुलित बन्नेछ । कुनै विशेष ठाउँमा अन्तर्वार्ता दिने हो भने आजको प्रयास फलदायी बन्नेछ ।

मिथुन (का, कि, कु, घ, ङ, छ, के, को, ह) –
काममा कुनै किसिमको बाधा देखिएको छ भने तनाव लिनुको सट्टा कामको गुणस्तर सुधारका लागि प्रयास गर्नु राम्रो हुन्छ । जीवनसाथी वा परिवारका सदस्यसँग मतभेद बढ्ने देखिन्छ । आज यात्राको कार्यक्रम छ भने सम्भव भएसम्म रोक्नु उचित होला । कडा मिहिनेत गरी नसुल्झिएको समस्यालाई हल गर्न सकिनेछ ।

कर्कट (हि, हु, हे, हो, डा, डि, डु, डे, डो) –
कार्यक्षेत्रमा उच्च सफलता मिल्नेछ । कल्पना र आत्मरतिमा भुलिने समय छ । मन हलुका र शरीर तन्दुरुस्त रहनेछ । अनावश्यक गफगाफमा मन भुल्न सक्ला तर, रमाइलो भन्दा कामलाई प्राथमिकतामा राख्नु उचित देखिन्छ ।

सिंह (मा, मि, मु, मे, मो, टा, टि, टु, टे) –
पतिपत्नी वा प्रेमी÷प्रेमिका बीचको सम्बन्ध सुमधुर बन्नेछ । साझेदारीमा कुनै काम गर्दै हुनुहुन्छ भने त्यसमा लाभ लिन सकिनेछ । स्वास्थ्य र निर्माण क्षेत्रमा गरिने लगानिले राम्रो प्रतिफल दिनेछ तर, कार्यक्षेत्रमा विभिन्न चुनौतीको सामना भने गर्नुपर्ने देखिन्छ ।

कन्या (टो, प, पि, पु, ष, ण, ठ, पे, पो) –
आत्मविश्वासमा बृद्धि हुनाले सफलता प्राप्त हुनेछ । शिक्षाक्षेत्र, आर्थिक कारोबार, सुनचाँदी जस्ता व्यापार व्यवसायका लागि राम्रो दिन छ । प्रियजनसँग भेटघाट हुने तथा रामाईलोमा सरिक हुने सम्भावना छ । भावना र इच्छाहरुको कदर हुनेछ । प्रयास गरिएका तथा कारणबस रोकिएका कामहरुले पूर्णता पाउनसक्छन् ।

तुला (र, रि, रु, रे, रो, ता, ति, तु, ते) –
दिन व्यस्त रहेतापनि कामको चापबाट फुर्सद निकालेर केही समय परिवारका लागि छुट्याउनु उचित रहनेछ । प्रेमि÷प्रेमिका र घरपरिवारका लागि समय व्यवस्थापन गर्न सके अपेक्षित प्रेम, विश्वास एवं समझदारी कायम रहनेछ । नयाँ ज्ञान वा कुनै सिप सिक्न चासो बढ्नेछ ।

बृश्चिक (तो, ना, नि, नु, ने, नो, या, यि, यु) –
साथिभाई तथा प्रियजनसित भेटघाट हुने वा सहकार्यमा कुनै काम सम्पन्न हुने योग छ । पारिवारिक माहोल र आर्थिक पक्षसमेत सुदृढ देखिनेछ । कुनै कुरा नजानेर अलमलमा पर्नुभएको छ भने साथिहरुसँग छलफल गरि सल्लाह लिनु उचित होला । धार्मिक तथा सामाजिक काममा चासो रहनुका साथै महत्वपूर्ण कार्य सम्पन्न हुनाले आत्मविश्वास बढ्नेछ ।

धनु (ये, यो, भ, भि, भु, ध, फा, ढ, भे) –
मिहेनत र बुद्धिको प्रयोगले साथिहरुमाझ विद्वान र चनाखो सावित हुने दिन छ । गुरुजनबाट स्यावासी पाईनेछ । आफ्नो शब्द र वचनले कसैको मन नदुखोस भन्ने कुरामा ख्याल राख्नु आवस्यक देखिन्छ । कार्यक्षेत्र परिवर्तन गर्ने वा नयाँ ठाउँमा सरुवा हुने धारणा पलाउनेछ भने थप आयश्रोत बढाउने बिषयमा पनि चिन्तन बढ्ने देखिन्छ ।

मकर (भो, ज, जि, खि, खु, खे, खो, गा, गि) –
जिवनसाथिको इच्छा र भावना बुझ्न सकेमा उत्साह बढ्न गई मन चङ्गा हुने दिन छ । सौन्दर्य र व्यक्तित्वमा निखार आउने छ । धनसम्पत्तिको सञ्चय गर्ने मानसिकता बन्नेछ तर आर्थिक दृष्टिले आज खासै लाभ मिल्ने भने देखिदैन । कार्यस्थल र घरपरिवारमा खुसी र उमङ्गको वातारवरण रहनेछ । यदि आर्थिक मन्दी चल्दैछ भने नयाँ रणनीति कार्यान्वयन गर्दा सफलता मिल्नसक्छ ।

कुम्भ (गु, गे, गो, सा, सि, सु, से, सो, द) –
जिम्मेवारी बढ्नाले व्यवहारिक काममा खट्नुपर्ने परिस्थिति छ, जसले गर्दा प्रेमिल जिवनमा बाधा पुग्न सक्छ । सम्भव भएसम्म आपसी भेटघाट र वार्तलापलाई समय छुट्याउन उचित रहनेछ । आत्मविश्वास बढ्नेछ । थप आयश्रोतका बारे चिन्तन गर्नु लाभदायी रहला । जोखिम र संकटलाई ध्यानमा राख्दै यातायात र ढुवानीको क्षेत्रमा लगानी गर्नु फलदायी पुष्टि हुने देखिन्छ ।

मीन (दि, दु, थ, झ, ञ, दे, दो, च, चि) –
आज प्रतियोगि बलिया रहने भएकाले प्रतियोगितात्मक काममा थप मिहेनत र प्रयासको आवश्यक्ता देखिन्छ । दाजुभाई लगायत परिवारको उन्नतिप्रगतिका निमित्त खट्नुपर्ने छ । प्रशासनिक साथै प्रतिष्ठा जोडिएको काममा सफलता मिल्नेछ । परिस्थितिवश जिम्मेबारीबाहिरको काममा अलमलिनु पर्ने हुनसक्छ । काममा विलम्ब भए पनि कुनै विशेष काम बन्न सक्ने योग छ ।

ज्यो.पं– हरिप्रसाद भण्डारी बरिष्ठ ज्योतिष एवं वास्तुविद