आजको मौसमः बर्षा र हिमपातको सम्भावना, अत्याधिक चिसो बढ्ने

काठमाडौं । आज (आइतबार) देशभर पश्चिमी वायुको प्रभाव रहेको जल तथा मौसम पूर्वानुमान विभागले जनाएको छ ।

आज साँझदेखि मौसममा बदलीको संभाावना समेत बढेर गएको छ । महाशाखाले मौसम बुलेटिन जारी गर्दै पश्चिमी वायुसँगै आउने पश्चिमी न्यून चापीय प्रणालीका कारण आज साँझदेखि नेपालका धेरै स्थानमा आंशिकदेखि साधारण बदलीको सम्भावना रहेको समेत बताइएको छ ।

आज साँझदेखि मौसममा बदली हुने र सोमबार शुदूरपश्चिम, कर्णाली, लुम्विनी, गण्डकी र वागमती प्रदेशको पहाडी भूभागमा हल्कादेखि मध्यम बर्षा हुने जल महाशाखाले जनाएको छ । त्यसैगरी हिमाली क्षेत्रमा हिमपातसमेत हुने हुँदा चिसो बढ्ने भएकाले ती क्षेत्रमा चिसोबाट बच्न आवश्यक सतर्कता अपनाउन महासाखाले अनुरोध गरेको छ ।

साथै यो मौसम प्रणालीको असरले तापक्रममा समेत केही गिरावट आई चिसो बढ्नसक्ने सम्भावना रहेको पनि जनाइएको छ । वर्षा, हिमपात तथा चिसोका कारण दैनिक जनजीवन, स्वास्थ्य, पर्वतारोहण, हवाई यातायातलगायत दैनिक जनजीवनमासमेत असर पर्न सक्ने देखिएकाले आवश्यक सतर्कता तथा पूर्वतयारी अपनाउन विभागले जनाएको छ ।