काठमाडौंको असनका वासिन्दाले आज लगाउँदै दशैंको टीका

काठमाडौं । काठमाडौंको असनका वासिन्दाले आज (पापाङ्कुशा एकादशी) का दिन विजयादशमीको टीका लागाउँदैछन् ।

हरेक वर्ष असोज शुक्ल एकादशीका दिन असनका स्थानियबासिन्दाले मान्यजनबाट दुर्गा भवानीको प्रसादस्वरुप टीका, जमरा थापी मनाउने चलन रहेको छ । देशका अरू सबैजसो ठाँउका हिजो नै देवी विसर्जन गरेर दुर्गा भवानीको प्रसादस्वरुप टीका, जमरा थापिन्छ भने असनका बासिन्दाले आज टीका थाप्दैछन् ।

आज नै असनमा तुलाधर समुदायको सबैभन्दा कान्छो कुमार बालकको अगुवाइमा खड्ग जात्रा निकालिने गरिन्छ ।