काठमाडौं । नेपालीहरुको महान चाड बडादशैं मनाउन आफ्नो जन्म थलो फर्किनेहरुको संख्या बढेको छ ।
नेपाल प्रहरीले दिएको तथ्याङक अनुसार असोज १४ देखि २० गतेसम्म ३ लाख ६३ हजार बढीले काठमाडौं उपत्यका छाडिसकेका छन् । प्रहरीका अनुसार शनिबार साँझ ६ बजेदेखि आइतबार बिहानसम्म मात्रै १६ हजार ४६५ जना काठमाडौंबाट बाहिरिएका छन् ।
दशैंका लागि काठमाडौं उपत्यका छाड्नेका कारण यतिबेला नयाँ बसपार्क सहित कोटेश्वर लगायतका विभिन्न नाका र राजमार्गहरुमा भिडभाड बढेको छ । गएको असोज ११ देखि १३ गतेसम्म परेको अविरल बर्षापछिको बाढी र पहिरोले राजमार्ग भत्काउँदा र सहज रुपमा बस तथा जहाजको टिकट पाउनै मुस्किल भएका कारण अधिकांश नागरिकहरु गाउँ फर्किन पाएका छैनन् ।
यतिमात्र नभई कतिपय लामो दूरीका यात्रुहरू टिकट नपाए पनि बसका बोनट तथा मुडामा बसेर पनि यात्रा गर्न बाध्य छन् ।
प्रतिक्रिया