झापा । शुक्रबारदेखि परेको लगातारको भरीका कारण नदीमा आएको बाढीले बगाउँदा झापामा ३ जना बेपत्ता भएका छन् ।
बेपत्ता हुनेमा एक बालिका तथा दुई पुरुष रहेको जिल्ला प्रहरी कार्यालय झापाले जनाएको छ । शुक्रबार साँझ करिब ६ बजे झापाको कमल गाउँपालिका–१ स्थित किस्ने खोलामा माछा मार्ने क्रममा सोही ठाउँका ३५ वर्षीय टीकाराम चौधरीलाई खोलाले बगाएको थियो ।
यसैगरी, गौरीगञ्ज गाउँपालिका–३ र २ को सिमानामा रहेको हुलाकी सडकमा पर्ने किस्ने खोलाको पुलबाट एक व्यक्ति हामफालेर बेपत्ता भएका छन् । शुक्रबार अपराह्न करिब ४ बजे गौरीगञ्ज–२ भाकुरमारी सुकुम्वासी बस्ती बस्ने अन्दाजी वर्ष ५० का केमालाल ताजपुरिया हामफालेर बेपत्ता भएको प्रहरीले जनाएको छ ।
उनिहरुको खोजि कार्य चलिरहेको प्रहरीले जनाएको छ । निरन्तरको झरी र खोलामा पानीको बहाव बढी भएकाले खोजि कार्यामा समस्या भइरहेको पनि प्रहरीले जनाएको छ ।
प्रतिक्रिया