काठमाडौं । निरन्तर बर्षा भइरहेकाले पहिरो खस्ने सम्भावित जोखिमलाई मध्यनजर गरी नारायणगढ- मुग्लिन सडकखण्ड रातिको समयमा बन्द गरिने भएको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणको निर्देशनअनुसार अविरल वर्षाका कारण पहिरो खस्न सक्ने भन्दै सडकखण्ड रात्रिकालीन समयमा बन्द गरिएको हो । जिल्ला प्रहरी कार्यालय चितवनका अनुसार आज र भोलि यस सडकखण्डमा सवारी सञ्चालनमा रोक लगाइएको हो ।
बेलुका ७ बजेदेखि बिहान ५ बजेसम्म सवारीसाधन सञ्चालनमा रोक लगाइएको उल्लेख गर्दै प्रहरीले अत्यावश्यक सवारी साधनबाहेक अन्यलाई नारायणगढतर्फ आँपटारी र मुग्लिनतर्फ मुग्लिन बजारमा रोकिने जनाएको छ ।
प्रतिक्रिया