हेटौंडामा ग्यास बुलेटको ठक्करले साइकल यात्रीको मृत्यु

हेटौंडा । ग्यास बुलेटको ठक्करबाट हेटौंडामा एक साइकल यात्रीको मृत्यु भएको छ ।

हेटौंडा उपमहानगरपालिका–१ गोरक्षेश्वर मन्दिरस्थित पूर्वपश्चिम सडक खण्डमा ग्यास बुलेटको ठक्करबाट साइकल यात्री ६० वर्षीय रमेश पाण्डेको मृत्यु भएको हो । भक्तपुर सुडाल घर भई हेटौंडा– ११ थानाभर्‍याङमा उनी बस्दै आएका थिए । हेटौंडा बजारबाट थानाभर्‍याङ तर्फ जाँदै गरेको साइकललाई ग्यास बुलेटको ठक्करबाट पाण्डे घाइते भएका थिए ।

घाइते पाण्डेको हेटौंडा अस्पतालमा उपचारका क्रममा शनिबार बिहान मृत्यु भएको जिल्ला प्रहरी कार्यालय मकवानपुरले जनाएको छ ।

मकवानपुर प्रहरीले साइकललाई ठक्कर दिने एनएल ०१ एल ९०२६ नम्बरको ग्यास बुलेट र चालकलाई नियन्त्रण लिई आवश्यक अनुसन्धान भइरहेको जनाएको छ ।