काठमाडौं । निरन्तरको बर्षासँगै आएको बाढीले त्रिवेणीस्थित गण्डक ब्यारेजमा पानीको सतह बढेको छ ।
शनिबार बिहान साढे ७ बजे त्रिवेणीस्थित जलमापन केन्द्रले दिएको सूचनाअनुसार पानीको सतह करिब १० मिटरको लेभलमा पुगेको छ । त्यहाँ पानीको सतह ११ मिटर पुगेपछि खतराको तह भन्ने बुझिन्छ । लगातारको झरीले नारायणी नदी र त्यससँग जोडिएका खोलमा बाढी आएका कारण गण्डक नदीमा पानीको सतह बढेको हो ।
गण्डकबाट भारतले उत्तर प्रदेश र बिहारमा सिचाइँकालागि पानी लगेको छ । बिहार र उत्तरप्रदेशका क्षेत्रमा डुबानको खतरा बढेपछि भारतले गण्डक ब्यारेजका ढोका खोल्ने गर्छ । प्रहरी चौकी त्रिवेणीका अनुसार गण्डक ब्यारेजमा सबैजसो ढोका केही माथि उचालिए पनि पुरै खोलिएको छैन ।
भारतमा डुबानको खतरा बढ्दै गएपछि गण्डक ब्यारेजका सबै ढोका खोलेर नदीमै पानी पठाइन्छ ।
प्रतिक्रिया