लमजुङ । निरन्तरको बर्षासँगै आएको पहिरोले अवरुद्ध भएको डुम्रे–बेँसीसहर सडकखण्ड एकतर्फी सुचारु भएको छ।
बेँसीसहर नगरपालिका–१ उदिपुर दलालमा लेदोसहितको पहिरो जाँदा आज बिहान ६ बजेदेखि सडक अवरुद्ध भएको थियो । सडक खुलाउन बिहानैदेखी सुरक्षाकर्मीको टोली परिचालन भए पनि निरन्तर पानी परिरहेकाले सडक खुलाउन ढिलाई भएको जिल्ला प्रहरी कार्यालय लमजुङले जनाएको छ । सडक अवरुद्ध हुँदा सवारीसाधन तथा यात्रु अलपत्र परेका थिए ।
सडक एकतर्फी खुलेसगै बेँसीसहरबाट काठमाडौं, पोखरा, चितवनलगायतका स्थानमा जाने यात्रु र सो स्थानबाट बेँसीसहर र बेँसीसहर हुँदै हिमाली जिल्ला मनाङ जाने यात्रु आफ्नो गन्तव्यतर्फ लागेका छन् ।
प्रतिक्रिया