काठमाडौं । प्रधानमन्त्री शेरबहादुर देउवाले मंसिर ४ गते हुने निर्वाचनलाई सरकारले निष्पक्ष र शान्तिपूर्ण रुपमा गर्ने बताएका छन् ।
बुधबार नेपाल संवत् ११४३ को अवसरमा भक्तपुर ठिमीमा आयोजित नेपाल सवंतका प्रवर्तक राष्ट्रिय विभूति शंखधर साख्वाको माल्यार्पण समारोहमा बोल्दै निर्वाचन सफल बनाउन राजनीतिक दल, नागरिक समाज, बुद्धिजीवी वर्ग र सम्पूर्ण नागरिकले आफ्नो क्षेत्रबाट सहयोग गर्न आग्रह गरेका छन् ।
उनले निर्वाचनमा सबै सक्रियताका साथ लाग्न आग्रह गर्दै आम निर्वाचनले मुलुकको संविधानको रक्षा र आर्थिक सुदृढिकरणमा महत्वपुर्ण भुमिका निर्वाह गर्ने बताए । देउवाले नेपालको सामाजिक इतिहासलाई उचो राख्ने शंखधर साख्वाजस्ता महान व्यक्तिबाट हामीले सिक्न जरुरी भएको बताए।
उनले दलभन्दा माथि उठेर राष्ट्रिय हितलाई प्राथमिकतामा राखेर अगाडि बढ्नुपर्ने आवश्यकता रहेको धारणा राखे।
प्रतिक्रिया