काठमाडौं । बिहिबार बिहान बसेको मन्त्रिपरिषद् बैठकले राष्ट्रिय योजना आयोगमा ४ सदस्यलाई नियुक्त गरेको छ ।
जसमा काठमाडौंकी प्रा. संगीता सिंह, जुम्लाका डा.कुशरेन्द्र बहादुर महत, पाल्पाका प्रा.शिवराज अधिकारी र ललितपुरका डा.अरनिको पाण्डेलाई राष्ट्रिय योजना आयोगका सदस्यमा नियुक्त भएका छन् । बिहीबारको मन्त्रिपरिषद बैठकले सँस्कृति पर्यटन मन्त्रालयको प्रस्तावमा नेपालका ३ जना र कोरियाका ७ जना गरी १० जनालाई सिन्धुपाल्चोकस्थित जुगल १ र जुगल २ हिमाल आरोहणमा लाग्ने सलामी दस्तुर मिनाहा गर्ने निर्णय पनि गरेको छ ।
नेपाल र गणतन्त्र कोरियाबीच कूटनीतिक सम्बन्ध स्थापनाको ५० वर्ष पुगेको अवसरमा कोरिया र नेपालका आरोहीले हिमाल आरोहण गर्न लागेका हुन् ।
प्रतिक्रिया