धनगढी । प्रधानमन्त्री एवं नेपाली कांग्रेसका सभापति शेरबहादुर देउवाले संविधान र गणतन्त्रको रक्षाका लागि गठबन्धनको जित अपरिहार्य रहेको बताएका छन् ।
आइतबार धनगढीमा सत्ता गठबन्धनको सुदूरपश्चिम स्तरीय प्रशिक्षण कार्यक्रमलाई सम्बोधन गर्दै उनले संविधान जोगाउन गठबन्धनलाई जिताउनुपर्नेमा जोड दिए । चुनावपछि देश कता जाने भन्ने गम्भीर मोडमा रहेको बताउँदै उनले नेपालको संविधान, गणतन्त्रको रक्षाको लागि गठबन्धन आवश्यक रहेको समेत बताए ।
उनले २००७ सालदेखि निरन्तर संघर्ष गरेर ल्याएको गणतन्त्र, संविधान बचाउनका लागि गठबन्धनलाई जिताउन सबैमा अनुरोध समेत गरेका छन् ।
प्रतिक्रिया