काठमाडौँ । सरकारको नीति तथा कार्यक्रममाथि प्रतिनिधि सभामा उठेका प्रश्नहरूको जवाफ दिन प्रधानमन्त्री बालेन्द्र शाह आज संसद बैठकमा सहभागी नहुने भएका छन्। प्रधानमन्त्रीको अनुपस्थितिमा अर्थमन्त्री स्वर्णिम वाग्लेले सरकारका तर्फबाट सांसदहरूको जिज्ञासाको उत्तर दिने जनाइएको छ।
अर्थमन्त्रीको सचिवालयका अनुसार प्रधानमन्त्रीको जिम्मेवारीसमेत सम्हालिरहेका वाग्लेले संसदमा सरकारको धारणा प्रस्तुत गर्नेछन्।
यसअघि संघीय संसद सचिवालयले सार्वजनिक गरेको सम्भावित कार्यसूचीमा भने प्रधानमन्त्री शाह स्वयंले सांसदहरूको प्रश्नको जवाफ दिने उल्लेख गरिएको थियो।
प्रधानमन्त्री पद सम्हालेपछि बालेन्द्र शाहले हालसम्म संसदमा औपचारिक सम्बोधन नगरेको तथ्यले राजनीतिक वृत्तमा चर्चा समेत बढाएको छ। नेपालको संसदीय अभ्यासमा प्रधानमन्त्री लामो समयसम्म संसदमा नबोलेको अवस्था विरलै देखिएको टिप्पणी भइरहेको छ।
प्रतिक्रिया