काठमाडौं । नेपालमा मनसुन हाल केही कमजोर देखिएको छ।
मौसम पूर्वानुमान महाशाखाका अनुसार मनसुनको न्यून चापीय रेखा सरदर स्थानभन्दा दक्षिणतिर सरकिएको कारण वर्षा सामान्य भन्दा कम भएको हो। यद्यपि, बङ्गालको खाडीबाट जलवाष्पयुक्त हावा प्रवेश गर्न थालेकाले देशभर बदली बढ्दै गएको छ। हाल देशभर सामान्यतया बदली छ।
कोशी, बागमती, गण्डकी र लुम्बिनी प्रदेशका केही स्थानमा तथा कर्णाली र सुदूरपश्चिम प्रदेशका पहाडी भूभागमा मध्यम वर्षा भइरहेको छ। आज दिउँसो देशभर सामान्य बदली रहनेछ। कोशी, मधेस र बागमती प्रदेशका तराई तथा पहाडी भूभागमा, साथै बाँकी प्रदेशका पहाडी क्षेत्रमा मध्यम वर्षा हुने सम्भावना छ।
कोशी र बागमती प्रदेशका पहाडी क्षेत्रमा भने एक–दुई स्थानमा भारी वर्षा पर्न सक्ने अनुमान गरिएको छ। आज राति कोशी, मधेस र सुदूरपश्चिम प्रदेशसँगै अन्य प्रदेशका पहाडी भूभागमा सामान्य बदली रहनेछ भने बाँकी भूभागमा आंशिक बदली मात्र हुनेछ। कोशी, गण्डकी र सुदूरपश्चिम प्रदेशका केही स्थानमा मध्यम वर्षा पर्न सक्ने सम्भावना छ।
विशेषगरी कोशी प्रदेशका तराई र पहाडी क्षेत्रमा एक–दुई स्थानमा भारी वर्षा पर्न सक्ने देखिन्छ। कोशी र बागमती प्रदेशका पहाडी भूभागमा भारी वर्षाको जोखिम रहेकोले आवश्यक सतर्कता अपनाउन मौसम महाशाखाले आग्रह गरेको छ।
प्रतिक्रिया