काठमाडौं । जाजरकोटको भेरी नगरपालिका–१ कोल्चौर नजिक गए राति भएको एम्बुलेन्स दुर्घटनामा चालकको घटनास्थलमै मृत्यु भएको छ।
राति करिब १ बजे कल्ले खोलामा खसेको एम्बुलेन्सका चालक २७ वर्षीय सुनिल चनारा, भेरी नगरपालिका–१ डौँरीकाँडाका बासिन्दा,को मृत्यु भएको प्रहरीले जनाएको छ। प्रहरीका अनुसार, खलङ्गाबाट डौँरीकाँडा बिरामी लिन जाँदै गरेको भे १ च २२४७ नम्बरको, उदय युवा क्लब मुसिकोट–१३को नाममा दर्ता भएको एम्बुलेन्स, उकालो चढ्ने क्रममा भित्तामा ठोक्किएर करिब २०० मिटर तल खसेको हो।
अस्थायी प्रहरी चौकी होलुखोलाका प्रहरी नायब निरीक्षक बीरबहादुर थापाले बिहान घाँस काट्न जाने क्रममा स्थानीयले दुर्घटनाबारे थाहा पाएर प्रहरीलाई खबर गरेको जानकारी दिएका छन्।
घटनापछि प्रहरीले मुचुल्का तयार गरी शवलाई पोष्टमार्टमका लागि जिल्ला अस्पताल पठाउने तयारी गरेको छ।
प्रतिक्रिया