काठमाडौं । भियतनामको चर्चित पर्यटकीय क्षेत्र हालोङ्ग खाडीमा डुंगा पल्टिँदा ३४ जनाको ज्यान गएको छ भने अझै ८ जना बेपत्ता छन्।
शनिबार दिउँसो पर्यटकहरूले डुंगा सयर गरिरहेका बेला अचानक आएको शक्तिशाली आँधीले डुंगा पल्टाएपछि दुर्घटना भएको हो। डुंगामा हनोईबाट आएका भियतनामी नागरिकहरूको संख्या बढी थियो। स्थानीय मिडियाहरूका अनुसार ‘विफा’ नाम दिइएको तुफानले तीव्र गतिमा खाडीमा प्रवेश गरेपछि डुंगा असन्तुलित भएर डुबेको हो।
घटनास्थलमा अहिले पनि खोज तथा उद्धार कार्य जारी छ। तर लगातारको भारी वर्षाले उद्धारमा कठिनाइ भइरहेको उद्धार टोलीले जनाएको छ।
यस घटनाले भियतनामभरि शोकको वातावरण सिर्जना गरेको छ, भने हालोङ्ग खाडीमा पर्यटकीय गतिविधिमा अस्थायी रोक लगाइएको जनाइएको छ।
प्रतिक्रिया