काठमाडौं । पर्वत जिल्लाको मोदी गाउँपालिका–३, देउरालीस्थित लाङ्दीमा पहिरो जाँदा एकै परिवारका दुई सदस्य बेपत्ता भएका छन्।
वर्षासँगै आएको पहिरोले एकतले घर पुरिँदा ७६ वर्षीय छविलाल विश्वकर्मा र उनकी समवयस्क पत्नी विष्णुमती विश्वकर्मा बेपत्ता भएका वडाध्यक्ष देवेन्द्रबहादुर क्षेत्रीले जानकारी दिए। दुर्घटनाको बेला घरमै रहेका उनीहरू पुरिएर हराइरहेका छन् भने बुहारी ३२ वर्षीया पवित्रा विश्वकर्मा भने हाम फालेर ज्यान जोगाउन सफल भएकी छन्।
वडाध्यक्ष क्षेत्रीका अनुसार पहिरोका कारण सडक तथा खेतबारीमा पनि क्षति पुगेको छ। उद्धारका लागि स्थानीय प्रशासन र बासिन्दा परिचालित भएका छन्।
प्रतिक्रिया