२९ कार्तिक २०८३, आइतबार । November 16, 2026

कर्णालीमा साउने सङ्क्रान्तिको उल्लासः आज सार्वजनिक बिदा


१ श्रावण २०८२, बिहिबार  

6
Shares

सुर्खेत । कर्णाली प्रदेशमा आज साउने सङ्क्रान्ति तथा देउडा पर्वको अवसरमा सार्वजनिक बिदा दिइएको छ।

प्रदेश सरकारको निर्णयअनुसार प्रदेशका सबै सरकारी तथा सार्वजनिक संस्था आज बन्द छन्। वि.सं. २०८१ चैत १७ गते बसेको कर्णाली प्रदेश मन्त्रिपरिषद्को बैठकले साउन १ गते सार्वजनिक बिदा दिने निर्णय गरेको थियो। सो निर्णयअनुसार आजको बिदाबारे जानकारी दिँदै आन्तरिक मामिला तथा कानुन मन्त्रालयका प्रवक्ता उत्तम गौतमले औपचारिक सूचना सार्वजनिक गरेका छन्।

साउने सङ्क्रान्ति कर्णालीको विभिन्न जिल्लाहरू—हुम्ला, मुगु, डोल्पा, जुम्ला, कालीकोट—मा विशेष धार्मिक र सांस्कृतिक महत्त्वका साथ मनाइन्छ। स्थानीयवासीहरू आजको दिन देउडा गीत गाउँदै, गोलो घेरा बनाएर नाच्दै पर्व मनाउँछन्, जसले आपसी मेलमिलाप र सामुदायिक एकता झल्काउँछ।

यस पर्वको अर्को विशेष पक्ष भनेको “राँको बाल्ने” चलन हो। घरको छतमा सल्लाको तेलमा भिजाइएको काठको राँको बालेर, गाउँमा वर्षभरि संचित नकारात्मकता र सामाजिक विकृति हटाउने उद्देश्यले “लुतो फाल्ने” धार्मिक विधि पुर्‍याइन्छ।

यो परम्परा सद्भाव, शुद्धता र समुदायबीचको आत्मिक सम्बन्धलाई सुदृढ पार्ने प्रतीक मानिन्छ।

प्रकाशित मिति : १ श्रावण २०८२, बिहिबार  ९ : ३८ बजे

यो खबर पढेर तपाईलाई कस्तो महसुस भयो ?

‘कुलार्णवतन्त्र’ नेपाली भाषामा प्रकाशित

काठमाडौँ । तन्त्रविद् सन्दीप सापकोटाद्वारा अनुवाद तथा सम्पादन गरिएको प्राचीन

एनपीएलमा कर्णाली याक्सको विजयी सुरुवात, जनकपुर बोल्ट्स पराजित

काठमाडौं । नेपाल प्रिमियर लिग (एनपीएल) मा कर्णाली याक्सले जनकपुर

एनपीएल: चितवन राइनोजसँग विराटनगर किङ्ग्स ८ रनले पराजित

काठमाडौं। नेपाल प्रिमियर लिग (एनपीएल) मा चितवन राइनोजले विराटनगर किङ्ग्समाथि