काठमाडौं । लामो समयदेखि छुट्टाछुट्टै यात्रा तय गरिरहेका नेकपा एकता राष्ट्रिय अभियान र नेकपा (एकीकृत समाजवादी) अन्ततः एउटै राजनीतिक छातामुनि आउने सहमतिमा पुगेका छन्।
दुवै दलबीच साउन २ गते राष्ट्रिय सभा गृहमा विशेष समारोहका बीच एकता घोषणा गरिने भएको छ। सो अवसरमा नेकपा एकता राष्ट्रिय अभियानका अध्यक्ष बामदेव गौतम एकीकृत समाजवादीमा औपचारिक रूपमा समाहित हुँदैछन्।
पार्टी एकता सम्बन्धी सहमति पत्रमा अध्यक्ष माधवकुमार नेपाल र बामदेव गौतमले हस्ताक्षर गरिसकेका छन्। सहमतिपत्रमा नेपालको कम्युनिष्ट आन्दोलनलाई अझ सशक्त, संगठित र एकताबद्ध बनाउनु आजको ऐतिहासिक आवश्यकता भएको उल्लेख गरिएको छ।
गौतम र नेपालको यो सहकार्यले विभाजित वाम शक्तिहरूलाई फेरि एक ठाउँमा ल्याउने अपेक्षा गरिएको छ।
प्रतिक्रिया