काठमाडौं । स्पेनमा भएको एक दुखद कार दुर्घटनामा लिभरपुल फुटबल क्लबका चर्चित फरवार्ड डियागो जोटाको निधन भएको छ ।
अन्तर्राष्ट्रिय सञ्चारमाध्यमहरूका अनुसार जोटा आफ्नो जन्मस्थान पोर्चुगलको पोर्टोबाट यात्रा गरिरहेका बेला दुर्घटनामा परेका हुन्। २८ वर्षीय जोटा आफ्नो भाइ आन्द्रे जोटासँग सँगै यात्रा गरिरहेका थिए । २६ वर्षीय आन्द्रे पनि फुटबल खेलाडी नै थिए । दुर्भाग्यवश, यो दुर्घटनामा दुबैको ज्यान गएको पुष्टि गरिएको छ।
डियागो जोटा सन् २०२० मा इंग्लिस क्लब उल्भ्सबाट लिभरपुलमा ४.१ करोड पाउन्डमा अनुबन्ध भएका थिए । उनले आफ्नो उत्कृष्ट प्रदर्शनद्वारा क्लब तथा देश दुबै तर्फबाट महत्वपूर्ण योगदान दिएका थिए ।
उनको असामयिक निधनले फुटबल जगतमा शोकको छाँया छाएको छ। क्लब, समर्थकहरू र फुटबलप्रेमीहरूले उनलाई श्रद्धाञ्जली अर्पण गरिरहेका छन्।
प्रतिक्रिया