झापामा हात्तीको आक्रमणले ५९ वर्षीय पुरुषको ज्यान गयो

झापा । जिल्लाको बिर्तामोड–७ स्थित फक्तालुङमा आज बिहान हात्तीको आक्रमणबाट एक व्यक्तिको ज्यान गएको छ।

जिल्ला प्रहरी कार्यालय झापाका अनुसार ५९ वर्षीय लोकप्रसाद लिम्बूको मृत्यु भएको हो। नायब प्रहरी उपरीक्षक (डीएसपी) खगेन्द्रबहादुर खड्काका अनुसार लिम्बू बिहान शौचालय जान घरको आँगनमा निस्किएका बेला हात्तीले एक्कासि आक्रमण गरेको थियो। घाइते अवस्थामै रहेकामा घटनास्थलमै उनको ज्यान गएको पुष्टि गरिएको छ।

प्रहरी टोली घटनास्थलमा पुगेर अनुसन्धान गरिरहेको छ। झापाको विभिन्न क्षेत्रमा बिगत केही समयदेखि वन्यजन्तु, विशेषगरी हात्तीको आक्रमणका घटना दोहोरिइरहेका छन्, जसले स्थानीयवासीको जनधनको सुरक्षामा चुनौती थपेको छ।