काठमाडौं । विश्वकप लिग २ अन्तर्गत जारी खेलमा नेपाललाई १० रनको ठूलो क्षति भएको छ।
नेपालका मध्यक्रमका ब्याट्सम्यान बसिर अहमदले नियम विपरीत पिचमा दौडिएकाले अम्पायरले दुई पटक गरी ५-५ रनको पेनाल्टी लगाएका हुन्। यसको अर्थ, दोस्रो इनिङमा नेदरल्यान्ड्सले आफ्नो रन गणना सिधै १० रनबाट सुरु गर्नेछ। नेपालले बनाएको स्कोरभन्दा १० रन कममै नेदरल्यान्ड्सले लक्ष्य पुरा गर्न सक्नेछ। यो निर्णय विशेषगरी कम स्कोर बन्ने सम्भावना भएको खेलमा नेपालका लागि महत्वपूर्ण धक्का हो।
श्रृंखलाको अन्तिम खेलमा अवसर पाएका बसिर अहमदले ब्याटिङमा ११ रन जोडेर आउट भएका थिए।
प्रतिक्रिया