काठमाडौं । एकीकृत समाजवादीका अध्यक्ष तथा पूर्वप्रधानमन्त्री माधवकुमार नेपालविरुद्ध अख्तियार दुरुपयोग अनुसन्धान आयोगले भ्रष्टाचार सम्बन्धी मुद्दा विशेष अदालतमा दायर गरेको छ।
पतञ्जली योगपीठसँग जोडिएको जग्गा सट्टापट्टा प्रकरणमा नियमविपरीत निर्णय गरिएको भन्दै आयोगले नेपालसहित ९३ जनालाई आरोपित गर्दै विशेष अदालतमा मुद्दा लगेको हो। यो प्रकरणमा सरकारी सम्पत्ति व्यवस्थापनमा अनियमितता भएको दाबी गर्दै अख्तियारले उच्चस्तरीय नेतादेखि कर्मचारीसम्म संलग्न रहेको निष्कर्ष निकालेको छ।
मुद्दामा संलग्न व्यक्तिहरूमाथि कानुनी कारवाहीको प्रक्रिया अघि बढाइएको आयोगले जनाएको छ। नेपालविरुद्ध मुद्दा दायर भएसँगै उनको सांसद पद पनि निलम्बनमा परेको छ ।
प्रतिक्रिया