काठमाडौं । काठमाडौं महानगरपालिकाका नगर प्रहरी प्रमुख राजुनाथ पाण्डे ६ महिनाको लागि निलम्बनमा परेका छन्।
महानगरका प्रमुख प्रशासकीय अधिकृत सरोज गुरागाईंले पाण्डेलाई कार्यालय प्रवेशमा अवरोध पुर्याएको आरोपमा प्रारम्भिक रुपमा स्पष्टीकरण मागेका थिए। तर, पाण्डेको जवाफ सन्तोषजनक नलागेपछि उनलाई निलम्बन गरिएको हो। महानगर स्रोतका अनुसार, गुरागाईंलाई कार्यालय प्रवेशमा असहज बनाएको घटना पछिको अनुशासन कारवाही स्वरूप पाण्डे विरुद्ध यो निर्णय गरिएको हो।
यससँगै, काठमाडौं महानगरपालिकामा प्रशासनिक तहमा देखिएको मतभेद र शक्ति संघर्ष अझ सतहमा आएको देखिएको छ।
प्रतिक्रिया