काठमाडौं । मच्छिन्द्रनाथको भोटो देखाउने जात्राको अवसरमा सरकारले काठमाडौं उपत्यकाभित्र पर्ने तीन जिल्लामा सार्वजनिक बिदा दिने निर्णय गरेको छ।
गृह मन्त्रालयले दिएको जानकारीअनुसार आइतबारका दिन काठमाडौं, ललितपुर र भक्तपुर जिल्लामा सार्वजनिक बिदा लागू हुनेछ। नेपाली परम्परा र सांस्कृतिक विविधता झल्काउने भोटो देखाउने जात्रा विशेष महत्त्वको पर्व हो, जसमा विभिन्न धार्मिक विधिअनुसार रथारोहणपछि भोटो देखाइने चलन छ।
यस अवसरमा राजधानीका विभिन्न स्थानमा विशेष कार्यक्रम समेत आयोजना गरिने जनाइएको छ।
प्रतिक्रिया