लमजुङ । लमजुङको सुन्दर बजार नगरपालिका–९ बुद्धटोलमा मंगलबार बिहान भएको आगलागीमा परेर एक वृद्धाको ज्यान गएको छ।
स्थानीय भरत थापाको घरमा डेरा गरी बस्दै आएकी ७० वर्षीया मिठी थापा जलेर गम्भीर घाइते भएपछि उपचारका लागि बेँसीसहरस्थित प्रदेश अस्पताल लगिएको थियो। तर, गम्भीर अवस्थाका कारण उनको उपचारकै क्रममा मृत्यु भएको जिल्ला प्रहरी कार्यालयका सूचना अधिकारी राजकिशोर शाहीले जानकारी दिए।
मिठी थापा दोर्दी गाउँपालिका–१ की स्थायी बासिन्दा थिइन्। आगलागी आज बिहान करिब ३:३० बजे भएको हो। प्रहरी र स्थानीयले कोठाको ढोका फोरेर उनलाई उद्दार गरे पनि बचाउन सकिएन। आगलागीको कारणबारे अनुसन्धान भइरहेको प्रहरीले जनाएको छ।
यो दुखद घटनाले स्थानीयवासीलाई स्तब्ध बनाएको छ।
प्रतिक्रिया