एजेन्सी । आईपीएल २०२५ अन्तर्गत आइतबार सम्पन्न खेलमा शीर्ष स्थानमा रहेको गुजरात टाइटन्स पुछारमा रहेको चेन्नई सुपरकिंग्ससँग ८३ रनले पराजित भएको छ।
यस हारले प्लेअफमा प्रवेश गरिसकेको गुजरातको शीर्ष दुईमा स्थान बनाउने सम्भावनालाई चुनौती दिएको छ। पहिले ब्याटिङ गर्दै चेन्नईले ५ विकेट गुमाएर २३० रनको विशाल स्कोर खडा गर्यो। डेवान कनवेले ५२ रन र डेवाल्ड ब्रेविसले ५७ रनको योगदान दिए। २३१ रनको लक्ष्य पछ्याएको गुजरात टाइटन्स १८.३ ओभरमै १४७ रनमा समेटियो।
ओपनर साइ सुदर्शनले ४१ रन बनाए पनि अन्य ब्याटरहरूले खास प्रदर्शन गर्न सकेनन्। टोलीले पाँचौ ओभरमै ३ विकेट गुमाउँदै ३० रनमात्र बनाएको थियो। चेन्नईका लागि नूर अहमद र अन्शुल कम्बोजले प्रभावशाली बलिङ गर्दै समान ३-३ विकेट लिएका थिए।
यो नतिजापछि गुजरात टाइटन्सको १४ खेलबाट १८ अंक कायम छ भने दोस्रो स्थानका दाबेदार पञ्जाब किंग्स र आरसीबीसँग १७–१७ अंक र मुम्बई इन्डियन्ससँग १६ अंक छन्।
लिगको अन्तिम खेलसहित चेन्नईले १४ खेलबाट ८ अंक जोडेको छ।
प्रतिक्रिया