काठमाडौं । साताको पहिलो कारोबारको दिन आइतबार नेपाली बजारमा सुनको भाउमा उल्लेख्य वृद्धि भएको छ ।
नेपाल सुनचाँदी व्यवसायी महासंघका अनुसार छापावाल सुनको मूल्य आइतबार तोलामा १ लाख ९१ हजार ८०० रुपैयाँ पुगेको छ। शुक्रबारसम्म सोही सुनको मूल्य तोलामा १ लाख ९० हजार ४०० रुपैयाँमा कारोबार भइरहेको थियो। यसरी हेर्दा आइतबार मात्रै सुनको मूल्यमा १ हजार ४०० रुपैयाँले वृद्धि भएको छ। चाँदीको हकमा भने मूल्य स्थिर देखिएको छ।
महासंघका अनुसार शुक्रबार तोलामा २ हजार ५ रुपैयाँमा कारोबार भएको चाँदी आइतबार पनि सोही मूल्यमा स्थिर रहेको छ।
प्रतिक्रिया