काठमाडौं । मकवानपुर र ललितपुरलाई जोड्ने कान्ति लोकपथ बाढीका कारण अवरुद्ध भएको छ।
गएरातिको लगातार वर्षासँगै बागमती खोलामा आएको बाढीले डाइभर्सन बगाएपछि सडक यातायात ठप्प भएको हो। जिल्ला प्रहरी कार्यालय मकवानपुरका अनुसार भीमफेदी गाउँपालिका–८ र बागमती गाउँपालिका–२ को सिमानामा पर्ने बगुवा खोलामा बनाइएको अस्थायी डाइभर्सन पूर्णरूपमा बगाएको हो। यही डाइभर्सनमार्फत सवारी साधन सञ्चालन हुँदै आएको थियो।
गत असोज महिनामा आएको बाढीले बगुवा खोलास्थित बागमती पुलको एक भाग बगाएको थियो। त्यसपछि पुलको क्षति भएका स्थानमा डाइभर्सन निर्माण गरेर आवागमन सहज बनाइएको थियो।
तर पुनः बाढीले डाइभर्सन बगाएपछि कान्ति लोकपथ हाल पूर्ण रूपमा अवरुद्ध भएको र वैकल्पिक मार्ग खोजिने प्रयास भइरहेको प्रहरीले जनाएको छ।
प्रतिक्रिया