न्युयोर्क। न्यूयोर्क सहरको प्रसिद्ध ब्रुकलिन ब्रिजमा ठोक्किएपछि मेक्सिकन नौसेनाको एक प्रशिक्षण जहाज क्षतिग्रस्त भएको छ। विशेष समारोहमा सहभागी हुन न्यूयोर्क आएको उक्त जहाज शनिबार साँझ दुर्घटनामा परेको हो।
सो जहाज पुलमुनिबाट गुज्रिँदै गर्दा त्यसको अग्लो खम्बा पुलमा ठोक्किएको भिडियो सार्वजनिक भइसकेको छ। ठोक्किएपछि खम्बाको केही भाग भाँचिएर जहाजमै खसेको जनाइएको छ। स्थानीय मिडियाका अनुसार, घटनामा केही व्यक्ति घाइते भएका छन् भने न्युयोर्क सिटीको आपतकालीन व्यवस्थापन एजेन्सी उद्धार तथा राहत कार्यमा खटिएको छ। यद्यपि विस्तृत विवरण भने सार्वजनिक गरिएको छैन।
मेक्सिकन नौसेनाले जहाजमा क्षति पुगेको पुष्टि गर्दै हाल घटनाको औपचारिक अनुसन्धान सुरु भइसकेको जनाएको छ।
प्रतिक्रिया