काठमाडौं । आइसीसी महिला टी–२० विश्वकप एसिया छनोटमा नेपालले आज हङकङसँग महत्त्वपूर्ण खेल खेल्दैछ।
यो खेल थाइल्याण्डको बैंककस्थित टेरथाई क्रिकेट ग्राउण्डमा बिहान १२स्३५ बजे सुरु हुनेछ। पहिले वर्षाका कारण नेपाल र हङकङबीचको खेल रद्द भएको थियो। नेपालले बहराइनमाथि सहज जित दर्ता गर्दै प्रतियोगितामा सशक्त सुरुआत गरिसकेको छ। आजको खेल नेपालका लागि निर्णायक बन्न सक्छ।
यदि नेपालले हङकङलाई पराजित गर्न सफल भयो भने सुपर थ्री चरणमा स्थान पक्का हुनेछ। तर हारको अवस्थामा छनोटको यात्रा जटिल बन्नेछ। समूह ‘सी’ मा नेपाल, हङकङ र बहराइन रहेका छन्।
सुपर थ्री चरणमा पुग्ने दुई उत्कृष्ट टोलीले आगामी टी–२० महिला विश्वकपको ग्लोबल छनोटमा स्थान बनाउनेछन्।
प्रतिक्रिया