रुकुम पश्चिममा जिप दुर्घटनाः एकको ज्यान गयो, तीन गम्भीर घाइते

रुकुम । रुकुम पश्चिमको सानीभेरी गाउँपालिका–१० अमलाटाकुरीस्थित सिम्ली–तिमिले भित्री सडक खण्डमा सोमबार बिहान जिप दुर्घटना हुँदा एकजनाको मृत्यु भएको छ भने तीन जना गम्भीर घाइते भएका छन्।

लु.प्र. ०२००१ च ०१७७ नम्बरको निजी जिप ब्रेक फेल भई अनियन्त्रित भएर झन्डै ४०० मिटर तल खस्दा सानीभेरी–१० का ५० वर्षीय नरबहादुर ओलीको घटनास्थलमै मृत्यु भएको हो। जिल्ला प्रहरी कार्यालय रुकुम पश्चिमका अनुसार दुर्घटनामा परेर दाङ तुल्सीपुर उपमहानगरपालिका–७ का ४४ वर्षीय जिप चालक लिलमणि भण्डारी, ४४ वर्षीया लिला ओली र ५० वर्षीया दुर्गा ओली गम्भीर घाइते भएका छन्।

उनीहरूको चौरजहारी नगर अस्पतालमा उपचार भइरहेको प्रहरीले जनाएको छ। दुर्घटनाको कारण ब्रेक फेल भएको प्रारम्भिक अनुसन्धानले देखाएको छ। घटनापछि प्रहरीले थप अनुसन्धान अघि बढाएको छ।