काठमाडौं । थाइल्याण्डमा आयोजना भइरहेको आईसीसी महिला टी–२० विश्वकप क्रिकेट एसिया छनोट अन्तर्गत शुक्रबार हुने भनिएको नेपाल र हङकङबीचको खेल वर्षाका कारण रद्द गरिएको छ।
बिहान तय गरिएको खेल मौसमले साथ नदिँदा स्थगित गर्नुपरेको हो। खेल रद्द भएपछि नेपाल र हङकङले समान रूपमा अंक बाँडेका छन्। प्रतियोगिता डबल राउन्ड रोबिन फर्म्याटमा भइरहेको छ, जहाँ नेपाल समूह सी मा रहेको छ। समूहमा नेपालसँगै हङकङ र बहराइन छन्। अब नेपालले शनिबार बहराइनविरुद्ध प्रतिस्पर्धा गर्नेछ।
नेपालको लागि अबको खेल निर्णायक बन्ने देखिएको छ, जहाँ जितले सेमिफाइनल समीकरणमा ठूलो भूमिका खेल्न सक्छ।
प्रतिक्रिया