काठमाडौं । नेपाली सुन बजारमा बुधबार उल्लेख्य वृद्धि देखिएको छ।
नेपाल सुनचाँदी व्यवसायी महासंघका अनुसार मंगलबारको तुलनामा आज सुनको मूल्य तोलामा १ हजार ७०० रुपैयाँले बढेर नयाँ दर कायम गरिएको हो। नवीन दरअनुसार बुधबार छापावाल सुनको मूल्य तोलामा १ लाख ९१ हजार ६०० रुपैयाँ पुगेको छ। मंगलबार यो दर १ लाख ८९ हजार ९०० रुपैयाँ थियो।
यता, चाँदीको मूल्य भने स्थिर नै रहेको छ। मंगलबार तोलामा १ हजार ९६५ रुपैयाँमा कारोबार भएको चाँदी बुधबार पनि सोही मूल्यमा कायम छ।
नेपालको सुनचाँदी बजारमा दैनिक यस्ता उतारचढाव देखिनु सामान्य भए पनि एकैदिन यति धेरै वृद्धि हुनु उल्लेखनीय मानिएको छ।
प्रतिक्रिया