एजेन्सी। भारतको जम्मु–कश्मीरस्थित पहलगाम क्षेत्रमा भएको आतंकी हमलामा एक नेपाली नागरिकसहित कम्तीमा २६ जनाले ज्यान गुमाएका छन् भने १७ जना घाइते भएका छन्।
भारतीय सञ्चार माध्यमका अनुसार मंगलबार दिउँसो पहलगामको बाइसरन उपत्यकामा बन्दुकधारी आतंकवादी समूहले अचानक हमला गर्दा नेपाली नागरिक सन्दीप न्यौपानेको ज्यान गएको पुष्टि भएको छ। यद्यपि, न्यौपानेबारे थप विवरण सार्वजनिक गरिएको छैन।
हालसम्म प्राप्त जानकारीअनुसार मृतकमध्ये दुई जना विदेशी नागरिक, एक जना भारतीय नौसेना जवान र दुई जना स्थानीय बासिन्दा रहेको खुलेको छ। घटनास्थलमा सुरक्षाकर्मीहरूको परिचालन बढाइएको छ र अनुसन्धान जारी छ।
यस आतंकी हमलाले फेरि एकपटक भारतको सुरक्षास्थितिलाई लिएर गम्भीर प्रश्न उठाएको छ।
प्रतिक्रिया